Thantlang peng, Thau khua Hakha um mi tleicia Pu Than Heng le Pi Tum Ci fapa hniang Pu Dal Than Lian ( Hnialum phun ) kum 44 cu Feb 25,2020 (10:00 am ) ah mual a kan liam tak . Kan ngaih a chia tuk ko. Tantak mi a nu le chungkhar dih lak an ngaihchiat nak Pathian tu nih hnem ko hna seh. Lian Iap

Joel Ling nih Pu Dal Than Lian a siannak lonak a ṭialmi “Pa Dal, Na kan kaltaknak ni khat telawng a si rih nain kan in hlam, kan in ngai manh ko. Chungkhat rualchan kan tlun caan i a kan dong le a kan thlah tawntu na bau ruangmang cang lai mu.Vawlei kan khualtlawnnak ram, ni khatkhat cu a kir cio te ding kan si ko. Lungsiaherh lo tein rak kalchung in liam riangmang ko ne law Pa Dal aw.

Hmanthlak te hi 2017 November 20—Pialva ah kan i thlakmi a si. Lawngtlai kal kaa timh lioah a innchungnu ka far Suisui he Pialva tiang an rak ka thlah lio te. Maw neh le nang vialte tuanbia an si dih ai cang ne mu” tiah Joel Ling nih a ṭial.

Pu Dal Than Lian hi kum 44 minung a si i Zion Baptist Churuh Khirhfabu a si i bochan taktakmi pakhat a si. Atu bantukin ruah lo piin mual a kan liam taak hi cu a poi hringhran ko. A thihnak a ruang belte an langhter lo caah kan vun langhter kho lo. A taantakmi a chungkhar Bawipa nih hnem ko hna seh! Chungkhar kan in ngaihchiatpi ve hna.
Tantaakmi chungkhar Bawipa nih an ngaihchiatnak chungin hnem hram ko hna seh!