R.I.P.Pi Ni Hnem Thluai nih ruah lo piin mual a kan liam taak

Chin News

Nizan, 27,Sep.2020, 10:00Pm tluk hrawngah Pu Hrang Lian nupi Pi Ni Hnem Thluai kum 38 tlukhrawng nih mual a kan liamtaak. A pasal hi Țihbual a si a mah hi Kan mah khuami a si i, an chungkhar in kan khua Tikhuangtum ah khua an sa, a zawtnak a sau ngai cang.

Image may contain: 1 person, text that says "Shot on Y12 Vivo Al camera"

An pa hi mifel, mi teima taktak a si nain, pawfah a neimi a si caah hawitlukin rianhrang hna ttuanawk a tthalo. Nain, a si khawhtawkin a zuam i chungkhar a zohkhenhtu pasalttha a si.

An mah nihcun khuapi Si-Inn ah i thlop an beisei ngai nain chungkhar harsat ruangah Si-Inn an panhpi kholo i cuticun Inn ah an si khwhtawkin an thlop hnu ah nizan ah a liam cu a si. Fa pathum an nei, a fapa upabik hi tangthum kaiding a si, a fahniang hi kumkhat fai hrawnglawng a si rih.

A Liam lai ah hitihin hringtu a pa sinah bia a cah: “Ka pa kei cu hi vawlei hi ka kaltaak cang lai, ka umti lailo i, ka fale tete hi thilthar (thilpuan) an uartuk caah Xmas lai ahcun Thilthar nan hon cawkpiak hna lai awh”.

An chungkhar sining ka zoh, a fale kong ka ruat, nizan ka hngilh kholo. Hibantuk mi harsa kan pawngkam ummi bomh hi kan rianngan pakhat a si ve ko nain kan bomh khawhlomi hna ka ruah ah lung a fak hrinhran.

A tang i hmanthlak hi a kaltaakmi a fahniangte cu a si. A hnuk a haalin sunghno a nu hi a hlamtuk lai va sikaw, khoiah ka nu a um ti bel a hngal lai lo mu. Bawmh kan hal hna lo, chungkhar zong nih an in hal hna lo. Nain na zaangfak i a hnukcawknak te bawmh na duh ahcun thloh a um fawnlo, lungthiangten bawmhkhawh a si. Credit:Benjamin CungBawihu Bawitlung

Leave a Reply