Hibantuk thawng vunh theih hi cu lungthin a nuam hrim lo mu. Mittha, minunnem ko hi zei ruang ah hme an chan tawi i an liam tuan khun hnga mu. Atu lio Chinmi chungin ngaihchiatnak thawngpang hung tam ngaingai. Lungthin cu a nuam kho hrim loh.

Tuzing ah ruah lo piin nungak Ṭial Hliang nih Hakha sizungah mual a kan liam taak ti thawng kan theih. Ngaih a chia hringhran. Amah hi mifel, mittha, minunnem taktak a si i hawile zong nih an bochan an tlaihchan ngaimi a si. Akonglam theihmi a thihnak a ruang an chimmi cu “Ruah lopi asi e zing a tho i ka ṭang pit tuk a ti i Hakha sizungah an tlikpi cawlh i sizung a phanbak in a thaw um ti lo e tiah theih a si,” tiah mi pakhat sinin kan theih.

Nungak Ṭial Hliang hi Pu Maung Tinh le Pi Nu Iang hna hi an fanu a si i Dawrthar sang ah a ummi a si. Nungak Ṭial Hliang cu tuzing a ihnak a hung tho i ka ṭang a pit tuk ee tiah a ti i a rannak in sizungah an tlikpi colh nain chanh manh loin atubantukin a nunnak aliam hi a si.