R.I.P.Malaysia Ah Aho Bawmtu Ngei Loin Sizungah A Um Hnuah Pa Van Ceu Awi Nih Mual A Kan Liam Taak

Chin News

Zual Ko: Malaysia um Aive khuami Pa Van Ceu Awi nih zahan (14/06/2020) ahkhan Hospital Kuala Lumpur sizungpi ah mual a kan liam tak. A thihning cu ai fiang rih lo, thawngfiang a um sile rak thanhthan kan i zuam lai. A kum hi kum 37 hrawng a si. A ruak cu HKL sizung ah an chiah, zeitik dah vui a si lai ti belte fian a si rih lo. Ngaihchiatnak a tongmi chungkhar le khuami Bawipa nih hnem ko hna seh.

Tutan mual a kan liam tak tu hi Aive khuami Pa Van Ceu Awi a si amah hi Malaysia ralzaam dirhmun in khuasami a si. Aive khuami a si zong hi Malaysia UNHCR nih CRC sinah thanhnak an tuah i cu hnuah CRC nih thawngzamhnak a tuah hnu lawngah Aive khuami a si hih an hngalh.

UNHCR nih CRC sinah thanhnak an tuah ahhin a dam a um i ahohmanh bawmchantu a ngei lo tiin thanhnak an tuah. Asinain cu thanhnak an tuah ahhin a nunnak a rak liam diam tiah theih a si. Atu tiang rih cu a thihnak a ruang fiang tein an chim kho nain, thikai in thihhnawh a si.

CRC lei nih thawngthanhnak an tuahmi: Bawmh Halnak!  A tanglei kan rak langhtermi hmanthlak a min Van Ceu Awi (UNHCR reg: 791-05C80658) hi a dam lo ii atu hi siizung ah a um. Aho hmanh pehtlaih awk/ bawmtu a ngei lo tiin UNHCR nih thawng an kan thanh. Cu caah, a chungkhat maw, a khuami, amah a theimi nan um sual ahcun CRC zungah rak kan pehtlai hram uh tiah zaangfah kan in nawl hna.

Chirchan: MCF & CRC

Leave a Reply