Nihin Thantlang khuachung kahdohnak i nunnak a pemi CNA ralkap Salai SangSang (Falam Peng) a tuanpi hawi pakhat nih tahhla a vawrhmi ca tlangkhat te ka hmuh cu ka celhlo.

“တိုင်းပြည်အတွက်ပြီးရင် မိသားစုအတွက် တာဝန်ကျေချင်သေးတယ်ဆို” tiin a tah.

“Kan ram caah ka tuanvo ka lim hnu ah, ka chungkhar caah tuanvo tlinh ta ka duh rih” na tilo maw ati.

Ai lim rihlomi kan Miphun rian kong, a kaltak chungmi a chungkhar (ule nau, nule pa, a farle, a naule tete) a thaw cah laite ah, a mitthlam ah video bang an vun cuang lai, a hei ruah hna lai mu. Auh len le hram len zongah ho nih an theih piak lailo mu. A chungkhar le a khuami nih a thawngpang an vun theih in, van khuri tur bang an taap an hram lai. An caah chunmui tlunni asi lai mu.

Hilio caan i pengkhat le pengkhat, bu khat le bukhat, entainak le huatnak thlaici nan vawrh huam rih ko mihi cu thinlung tal nan ngei hngalo maw ka ti. Kan ralkap hna nih lungthiangte in kan miphun zalennak caah tiin thisen nunnak thap in nunnak an pek cuahmah lio ah; thutdenh le ruahchan in thlaici thurhnawm sivai a tuh cuahmahmi hna, nan lung fim hram cang ko seh. Nan hmaisen khah hmanh nan silo.

Comrade Runno Lal Lian Sang, na miphun hawi nih upatnak sangbik kan pek

Thangtlang Khuachung Kahdohnak Ah CNA Ralkap Pakhat Nunnak A Liam. Thantlang khuachung ah SAC ralhrang le Chin ralkap hna kar ah kahdohnak a chuah caah CNA ralkap pakhat a nunnak a liam tiah Zalen nih a langh ter.

A nunnak liam mi hi Lal Sang Lian a si i CNA ah Training petu pakhat a si tiah Zofa Journal nih a langh ter.

September 17 in 18 tiang kahdohnak a chuak. Hakha lei ralhrang nih thazaang chap le hriamngan in an vun bawmh hna tiah theih a si.