Myanmar: Muse leiin a rak tlungmi Covid-19 zawtnak an lunghrinmi Kalaymyo Senpi sizungah an thlopbul/zohkhenhmi ngakchia pakhat cu tuzing ah a nunnak liam tiah kan theih.

A nunnak a liammi ngakchia nute hi Pneumonia zawtnak a rak ngei ciami a si i anmah hi Khampat sang no. (4) a ummi an si. Atu bantukin Kalaymyo Senpi sizungah an zohkhenh a si hnuah a nunnak a liam hi a si.

Kalaymyo Covid-19 committe chungtel rianṭuantu pakhat Ko Thanht Sin nih, “Mandalay leiin a rak rat lio tein ngakchia hi a dam ti lo. Cu ruangah Senpi sizung ah an thlopbul colh a si. Amah he hringtu a pa he an thisen kan test veve hna i an pahnih in negative an si. Hringtu a pa cu tuzing ah dam tein sizung in a chuakc ang,” tiah a chim.

An pafa in September ni (7) chun ah Kalaymyo ah an rak phan. Atu lio hi Kalaymyo ah Covid-19 zawtnak a ngeimi minung (3) an um i Taingyin sizungah ah chiah an si. Chirhchan: Zalen

Note: Thawngpang kan laknak nih thihnak a tongmi nute a min an langhter lo ruangah a min tibantuk kan rak langhter chih kho lo. Cucaah careltu nih a ruahzia kan thiam uh!