Ngaihchiatnak thawngpang: Hakha Dawrhlun sangah a ummi Pi Hniang Chin Par cu March 2, 2020 zaanlei sumilam 5:30 Pm ah hri awhnak a nunnak a liam theih a si.

Hikong he pehtlaiin an chungkhat pakhat nih a chimmi cu ” Atu bantuk hri aa awhnak a ruang hi a khuaruahnak a thlau ( thil silomi a ruah) ruangah a si. Chungkhar zongah buaibainak zeihmanh a um lo. Hiti bantukin hri aa awh hlan zongah ṭha tein kan i chawnbia ko hna an chungkhar zongah zei bantuk buainak hmanh a um lo nizaan tiangah ṭha tein kan i chawn bia ko” tiah a chim.

Pi Hniang Chin Par hi amah inn thilchiahnak hmun dot 2 nak ah atu bantukin hri aa awh hi a si. Pi Hniang Chin Par hi a awhnak konghe pehtlaiin an chungkhat pa nih a chim rihmi cu ” Pi Hniang Chin Par hi fale 4 ngeimi a si i an fa upa bikmi hi tang 9 a kai liomi a si i a vanchangtu hi tang 5 kai liomi a si i a pathumnak fa hi tang 3 kai liomi a si i an fa hniangbik cu Mucu a kai liomi asi. Cun a pasal hi Hakha le Mandalay karlakah motor/bus mawngmi a si” tiah a chim ve.

Pi Hniang Chin Par ruak hi sizung ah checknak an tuah hnuah March 3, 2020 nizaan zaanlei suimilam 2:30 Pm ah a vuak cu an vui. Pi Hniang Chin Par hi zeiruang ah dah atu bantukin hri aa awh timi fiang tein hngalh le theih a si lo. Ref: Chin World

Note: Kawlca kan leh chawmmi a si caah kan palh sualmi tete a um kho men a ruah zia nan kan theithiamnak lai kan in nawlpat duh hna.