Nizaan zaan slm 6:00Pm tluk hrawngah Hakha khuapi helnak lam leiah a ho ti theih lomi pakhat nih kum 3 ngakchia pakhat cu Motorcycle in a pah i a nunnak a liam theih a si. Asinain Peter a pahtu cu aho si ti theih a si rih lo. A pahtu pa nih a pah cang ka in a lanhtaak( a zaam taak) tiah a si. Kum 3 ngakchia Peter Biephasa cu a lu ah hliamhma faak ngai a tuar i cuticun a nunnak a liam hi a si.

Ngakchiapa hringtu a nulepa hi Hakha khuapi helnak lam cycle mongh an cawng i cu an cawnnak ah atubantuk in an fapa nih vanchiatnak a ton hi a si. Ngakchia te amin cu Peter Biephasa ti a si. The Chin Journal thawngzamhnak nih a langhterning ahcun “Thantlang peng, Lailen khuami Pu Cau Bik le Pi Ngun Za Iang i a fapa a si i, Hakha khua, Chin Oo-sii ah khua a sami an si,” tiah a langhter.

Hakha Today nih nizaan i accident a tonning aṭialmi rel chih. Amah hi hi thawngpang a tial hmasattu a si: Tuzaan lei Hakha khuapi helnak lam lei ah a ho ti theih lomi pakhat nih kum 3 ngakchia motorcycle in a pah. Atu hi a pah mi ngakchia te cu sii-inn ah an chiah. Siibawi le a nulepa an lung a dong ko. Zeitik ah a thaw a cat lai ti lawng an hngah. A pah tu pa hi a zaam. Aho a si ti an hngal lo.