Ottawa ah Nu le Pa caan ah kan i ngeihmi Dr. Tam Aung Ling, (Aung Ling Mang) pa nih tuzing 10 am ah Heart Attack in a kan liam tak e tiah chungkhar lei in thawng kan theih i, ka mang maw ka caang dah tiah kan lau tuk cio e. Tuhi Sizung ah an um rih i, chungkhar lawng kal a ngah tiah an ti caah kan umnak cio in Thlacam bawmh hna usih.

Dr. Tam Aung Ling hi Community hruaitu ka rak ttuan lio ah a ka dirhkamhtu le amah sin in fimnak ka laknak kan Pa pakhat a si i, Ottawa ah amah le a chungkhar nih khua a kan sakpimi hi kan hna a ngam tuk. Nihin ah hi vawlei nunnak in a kan dintak cu, Ottawa Chinmi caah a fak khun ko. Chungkhar, Cingla le Khuami dihlak kan mitthli hnawttu cu Jesuh si hram ko sehlaw. Ngakchiatnak he, Zasang Cinzah (OTTAWA)

Thawngpang dang rak re chih Dr. Hai Vung Lian Caah Thlacam Sawmnak. Dawtu vialte hna kan thlacam nak Bawipa nih a kan leh ko. Thinlung kuai in Bawipa sinah Dr. Hai Vung Lian caah thlaza kan campiak peng hram ko ulaw.

Bawipa caah a si kho lo mi a um lo ti lungput ngei bu in. Saya Vung Vung update, 11/23/2020, 10:30 am. Saya Vung Vung zong oxygen level 70% an pek tiah an nu sin ah an chim. Oxygen zong a kai deuh mi a lo ve i kan hna ngam deuh ngai ve cu vialte cu dawtu hna nan thlacam nak asi ko. Thla kan dam piak rih ko u law ti kan nawl hna. Source: Pastor John Van Nun Tluang.

Atanglei hi nizan hrawng a thawngpang kan theihning kan vun langhtermi a si. Rev.Dr. Hai Vung Lian A Hnu Bik Thawng le Thlacam Sawmnak; Tuni Sizung lei in thanh nak an tuah mi ning in cun tlawmpal cu nizan nak cun kan tha a hung nuam deuh. A kal hi ttawl a hau men lai, thaizing lei ah schedule kan tuah lai ee an ti.

Dr. Hai Vung Lian ( Kan pastor) hi Pathian nih a hlei tein a thim i thluachuah a pek ko tiah ka ruah. Kum 10 reng lo chung a Khrihfa bu ah chungtel ka si cang i zeitik hmanh a aw sang in thinhun nak le a hmai sen ka thei bal lo. Hngakchia/upa thlei dan nak um lo in mi a chawn bia i a biaruah a hei lumsat ning. Ngeihchia mi caah mi hnemh a vai rep ning le mi conglawmh a vai i ret ning.

Khrihfa bu caah ai pumpe i zei bantuk thil kong hmanh ah dik nak le fel nak in riantuan a duh zungzal tu a si. Nautat mi ngei lo in rian a ttuan tu pa cang a si. Atu hiti a hun si cu Khrihfa bu mipi kan dihlak in mitthli he kan iciah dih. Ngeihchia in mitthli he thla kan cam zungzal. Zumtu fale vialte hna zong nih Pathian sinah fak piin thlacam kan bawm peng ulaw tiah Bawi khrih min in zaangfah kan nawl hna. Source: Paul Lian