Chin miphun i kan pa pakhat a simi Rev. Dr. Aung Mang nih April ni 4/7/2020 tuzing kawl caan in suimilam 4:25 ah ruah lo piin mual a kan liam tak tiah kan theih. A poi tuk hringhran. Chungkhar hna kan ngaihchiatpi in kan tuarpi tuk ve hna.

Tutan ah Pathian riantuantu Chin miphunpi nih kan bochan taktakmi kan pa pakhat zong a simi Rev. Dr. Aung Mang nih mual a kan liam tak cu kan ngaih achia hringhran ko. Rev. Dr. Aung Mang hi Pathian nih ahman ngaingaimi pakhat a si. Kum caan saupi Pathian biaphuang in ramkip ah a kalmi pakhat a si i amah hi zohchun tlak taktak pa pakhat kan ngeihmi zong a si.

Cun Rev. Dr. Aung Mang tuanbia zong aho cio paoh nih kan theih cio lai tiah ka ruah. Amah hi Myanmar Centre Of Theological Studies (MCTS) a rak dirhtu (founder) pakhat a si. A nupi nu min cu Pi Dawt Dim a si. Tutan ah atu bantukin a thawngpang kan theih cu zumh ahar hringhran ko.

Tantakmi chungkhar Bawipa nih hnem hram ko hna seh! Rev. Dr. Aung Mang le a thaisung nu Pi Dawt Dim hi Myanmar Centre O Theological Studies (MCTS) sianginn an rak dirh lio ahhin harnak a phunphun a rak tong. Asinain a thaisung he cun hmi an fong lengmang tikah a tu ahcun an hlawh atling i teinak nganpi an hmu cang. Asinain cu lioah atubantukin mual a kan liam tak hi cu kan siang ve hrimhrim. A kal takmi chungkhar Bawipatu nih an ngaihchiatnak hnem hram ko hna seh! R.I.P Rev. Dr. Aung Mang