Ngaihchiat hrawmpinak: Chin Youth Organization Malaysia ( CYOM ) ah Vice President – 1 a rak kan tuan piak thingmi Saya Van Hngak Thang a nupi Pi Biak Hniang nih February 16, 2020 zing ah an umnak Australia ah mual a kan liam tak.

Saya Van Hngak Thang hi Malaysia a um lio ah CYOM ah Vice President – 1 a rak kan tuan piak mi a si i kan i bochan taktak mi a rak si. A nupi nih mual a kan liamtak ti kan theih tikah kan ngaih a chia tuk. Chin Youth Organization Malaysia ( CYOM ) nih kan ngaihchiatnak kan rak langhter. Kaltakmi chungkhar nan ngaihchiatnak CYOM nih kan in hrawmpi hna. Pathian nih nan ngaihchiatnak in hnem ko hna seh. Ngaihchiatnak hrawmpitu: Chin Youth Organization Malaysia ( CYOM )

Thawngpang rak rel chih: 20 Feb 2020, AKum 72nk Chin Miphun Ni caah timhlamnak Mindat khuapi le Thantlang khuapi hi vun zohchunh cio hmanh uh. Mindat khuapi ahcun Chinca (K’cho holh le ca) bak in a cung bik ah an t’ial ko khih. Zei tluk in dah a va dawh. Zeitluk in dah Mindat khuapi cu Chin Miphun sinak ah an i fian mu. Thantlang cu Laica a si lo.

 

Laimi hi kan tlau taktak ko cang e. Ka lungfak tuk! Laimi hi ziah nihin tiang kan hruh ko rih hnga. Kawl bawi pawl nih Kawlca in t’ial hrimhrim uh an kan ti tiah chim zong khi a um lo. Kanmah duh thimte in kan Ca t’ial khawh a si. Laica cu donhhlei Stage cung lawng ah kan t’ial lai nan ti maw? ziah a dang zong cu Chin Miphun Ni caah kan timhtuah a si lo maw?

Kawl Ni a si lo LAI Miphun Ni a si hi! Luhnak kutkhar cung zong ahhin Laica in ngan taktak in t’ial t’hiamt’hiam khawh a si lo maw? Zauk pennak tang kan lut ciahmah ti lio ah aho fa hme kan Caholh kong ahhin nan t’ih t’han? Maw Laimi. Lawngtlai Laimi hna nih le Mar holh ah an tlau dih cang. Lusei pawl nih kan holh in holh uh an ti hna na loin Mar holh an uar tho ko. Thantlang Halkha Matu Falam pawl vialte hi Kawl ah pei kan can dih te ko lai hi! Laimi hrut ti hlah hen, na hmai i phiah t’han law na lungfim cang.

Laiholh le Laica dawt hi luarkai lungput a si lo. Pathian pekmi kan Miphun sinak identity kan kilvenmi a si. A dikmi le a hmaanmi thil a si. Laimi na Miphun sinak naa fiang taktak maw? Kawl hrin a si lomi Laipa le Lainu caah cun lungfah lo awk a t’ha bak lo e.Credit:Salai Thomas Lian