R.I.P.A Kumthumnak Ah Tanghra A Awngmi Kum 18 Pate Cu Tanghra A Awnmi Lawmnak Tuah Dingin Tiva An Kalnak A Ti A Paam

Myanmar News

Karen ramkulh, Kawkareik khuapi pawng i Htaw-naw tiva ah Hniang 9,2020 ahkhan pa pakhat cu tanghra a awn lawmhnak ah tiin a hawile pawl he tiva nuamhnak an kalnak ah vanchiatnak a tong tiah kan theih.

Vanchiatnak a tongmi pa hi a min ah Chit Win Tun@Phu Kwa a si i amah hi kum 18 te lawng a si rih. Kumhnih chung tanghra camipuai a sung cangmi a si. Tukum i a voithumnak tanghra a phit a si i vanthat ah a kumthumnak a teinak a hmuh ve hi a si. Cu ti kum hnih chung a sungh lengmag mi tanghra cu a kumthumnak i a awng tikah a hawile pawl he cun inuamh dingin tiah tiva ah an kal hi a si.

Cu tiva an kalnak hmun i a thuhnak bikmi le tih a nunnak bik hmun leiah Chit Win Tun cu a kal i atu bantukin vanchiatnak a ton hi a si. A kalmi hawi hna nih a ruak cu an kawl i an hmu khawh lo caah an khualei ah thawngthanhnak (zualko) an tuah. Cuticun khuami hna le mei thattu pawl nih nihnihni chung an kawl hnu zongah an hmu kho hlei lo.

Cuti caan saupi an kawl hnuah nizaan Hniang 11,2020, chun suimilam 12:30Pm tlukah Chit Win Tun ruak cu an hmu khawh. Ti a ngan tuk tikah a kawltu ca zongah thinphang ṭihnung ngai khi a si. Mi ruak a kawltu pakhat nih a chimi cu,“Ti a ngan tuk tikah nihnih chung kan kawl hna nain fawite in a ruak kan hmu kho lo a kawltu ca zongah ṭihnung le thinphan a si caah fawite in ruak kan hmuh khawh lonak hi a si,”tiah a chim.

Lung a fak ngaimi le ngaih a chia khunmi cu zeidang si loin, kumpi kumhnih chung a awn khawh ti lomi tanghra camipuaipi cu a kumthumnak ah a awng ve. Asinain, vanchiat ah tanghra camipuai a awng ni lila a tu bantukin a nunnak a liam hi a si. Chirhchan:Duwun

Leave a Reply