Pumpululh chuihthiam minthang taktak a simi Premier League Club Arsenal an laikal Mesut Ozil nih Big Shoe phu hna he i ṭuanti in le i bawmhchanh in Kawlram ngakchia rethei sifak harsa hna minung 40 bawmhnak a pek hna ti amah Ozil nih Twitter ah a tar.

Ozil le Big Shoe rianṭuanti an si i Big Shoe hna nih ngakchia pawl an hlai herhmi an hlai (Operation) an tuah tik hna ah aherhmi phaisa Ozil nih a thawh ti a si. Ram harsa retheimi hna bawmh dingin Big Shoe pawl hi khual an tlawng tawn i ngakchia harsa retheimi hna an va bawmh tawn hna.

Tutan zongah Ozil nih a phaisa a hlutmi hna phaisa nih Big Shoe hna nih myanmar ngakchia dam lomi thlopbul nak a ngei lomi mizaw minung 40 hna cu man lo tein an (Operation) thlop hna ti tiah kan theih. Minung 40 hna cu tlamtling tein Operation an tuah khawh hna timi thawng cu Ozil nih thei in a lunglawmhnak bia Twitter ah a tar hna.

” Big Shoe hna a sunglawi tukmi nan rianṭuanmi ruangah ka lawm tuk hringhran. Tutan ah sifak retheimi bawmh herhmi Myanmar ngakchia minung 40 hna tluang tein kan bawmh khawhmi hna cungah ka lawm tuk hringhran” tiah Ozil nih a twitter ah a tar. Big Shoe hi Germany le Switzerland ram sibawi hna hmukhatte ah ṭuan ṭiin an dirhmi a si i ramkip ah kal in sizung kalnak a ngei lomi ngakchia ah (Operation) haumi dirhmun a dir i ahnak phaisa ngei lomi hna an bawm tawn hna. Ozil hi pumpululh chuihthiam minthang taktak pakhat Arsenal ah a chuih cuahmahmi a si. Amah hi Germany ram ah a chuakmi a si.