“Pumpak si loin biaknak mit in na zoh hnu lawngah Kawl pawl thinlung put na fian lai” David Lah an tuahto ning hi ningcang a tlai lo taktak. Kawl nih zeitluk in dah Khrihfa an kan namneh timi fiang tein hmuh khawh a si.

Biaknak pakhat i Pastor si vemi hi bantuk in pohmah 25 ruang i tlaih le khih cu Vawleicung ram lak ah Kalwram lawng ah hmuh khawhmi si. Khrihfa mi zeitluk in dah zalennak Kawlram ah a um rih lo ti a lang mifim nih cun thil tampi an hmuh khawh cang lai. Kawlram cu Buddhist ram a si caah Buddhish biaknak lawng um seh . Khrihfa timi cu nitlak lei rami a si an ti. Caan saupi hrawh le hral an timh.

Cucu nithin kan chan tiang a lo naisai rih lo hih. An ka nih a chim lo zongah an tuahserhnak in a lang. Tutan ah kan hmuh khawh. David Lah an tuahto mi nih khrihfa zumhnak lei zei silo mi pawl cu tihnak a pek ngai lai hna. Kan fale ngakchia caah zong ah chim le phuan ngam ding si lo. Khrihfa si le Pathian riantuan zong an tih thai ko hnga.

Hi bantuk Kawl nih an kan namneh nak ruangah Chin mi zong hi mi kan lo kho ti lo kan thi ah tihnak in kan khat. Cucu Kawl pawl tuahsernak chiakha ruang ah a si. David Lah an tuahto mihi pumpak case in zoh loin biaknak case in zoh ve kan herh. Cu hnu lawngah Kawl pawl thinlung put kan fian lai. Credit: Saya Tluang Ceu Thang