NLD party nih fak tuk in kawlram mipi a kan hlen ruangah kawl politician tampi nih NLD party an chuah tak cang. Tlangcung Miphun vialte nih Mee pek cu chimlo NLD party a kong hrim an chim ti lo lioah Laimi cheukhat thutnak duh ruangah le mah pumpak miaknak long a ruatmi, Milar minthang duh ruangah Langak si ko nain Awtaw si a duh mi hna le NLD sin in bomhnak pakhat khat hmuh duh ruangah a fimthiamnak hmanzia thiam loin Miphun hnu chit in NLD a ṭanhtu hi Laimi lawng kan si cang.

Pasal NLD party long bak tiah Mah tluk in NLD dirpi le Sukyi mee pek a herh ko nan ti rih ahcun Miphun dang Rakhine le Kachin,Wah te pawl minung tampi an umnak ah khin teh MPs nan vai icuh ve,Minung tampi an Mee NLD nih an sungh lai cu nan ruat kho maw?NLD lo cun si kho bak loh tiah va au hngat uh ca. Zeitluk in dah Kawlram politics sining nan theih i NLD party nih Miphun ai a kan awh.

Laitlang i nan aukhuan bantuk hin Miphun dang sinah nan va au ngam lai maw? Kanmah duhmi nak in Miphun le Ram nih a herh mi kha biapi ah kan chiah a hau.Kanmah nuam tein um duh ruangah kan Miphun le Ram mi kuttangah um ter peng le loh tlau lai kha kan duh ding a si hrim lo. Bawipa mithmai zoh bu te le mipi zei theilo zawnruahnak he Miphun le Ram caah hmunkhat te ah ṭangrual in kan vote hi kan voice a si caah CNLD aw thanter in dirh kamh hna usih. Credit:‎Kiocinthang Salai‎