Puchong ummi ralrin peknak: Mihrokhrawl an ra, innka onh hna hlah uh Nan min (passport le UN card) pe hna hlah uh

Chin News

Puchong ummi ralrin peknak: Mihrokhrawl an ra, innka onh hna hlah uh. Nan min (passport le UN card) pe hna hlah uh. Puchong ummi paoh rak kua cio hna ulaw. Tunai 12:30pm ah kan inn ah an ra. “Pest Control Department kan si. Malaria le zawtnak phunkip rungrul thahnak sii kaptu kan si. Innka kan onh law nan inn kan check lai” an ti.

UNHCR - Contact UNHCR in Malaysia

“Khuazei rammi dah na si?” an ka ti i “Myanmar” ka ti cangka in an ral ṭha tuk. Pa pathum (3) an si. Zung rianṭuan bantukin cauk le ball pen an i put. “Innka ong” tiin an ka hnek chih peng i “ka boss ka chawn hmasa lai” ka ti hnu ah “boss chawnh a hau lo, innka on loin na passport le UN card (identity) kahin ṭial law a za ko, RM40 lawng na liam lai,” tiin cauk le ball pen an ka pek.

Ka duh lo i “boss ka chawn hmasa lai” ka ti chih hnu ah “ok, chawn law keimah he kan i chawn lai” tiah an hruaitu pa (kum 50 hrawng) nih aa ka ti. Inn boss ka chawnh cangka in lo diam an zaam.

Inn boss nih “mihrokhrawl an si, Lahwahkah (immigration) le palek lawng nih na passport le UN card an in hal khawh, midang paoh cu mihrokhrawl an si” ati. Kan inn hmai le inn cung ummi Indonesia cu an hlen khawh cang hna. Tesco le Puteri ummi pawl nan inn an ra kho men, innka rak onh hna hlah uh. Nan passport le UN min le number rak pe hna hlah uh. Source: Tial Lian Thang

Note: Malaysia ummi kan iralrin ngaingai aherh tinak a si. Malaysia ummi Chinmi nih an theih khawhnak hnga SHARE rak tuah ve hna.

Admin hmurka: Chinworldnewsvening nih thawngpang kan ṭialmi hi kanmah nih kan phuah cawpmi kan ṭialmi a si lo. Mipi sinah adikmi thawngpang zamh hi kan i hmuitinhmi a si. Cun, thawngpang kan ṭialmi hi areltu mipi caah ṭhathnem santlaih, theihtleih ṭha siseh ti hi kan i hmuitin bikmi a si. Asinain, minung kan ti cu tlamtlinlonak tete zong a kho mi a si caah thawngpang kan ṭialmi kan palhnak a um  cun theihter khawh peng kan si.

Mipi sinah thawngpang thlazamh piak na duh si cun zeitik caan paoh kan i thlahzamh piak khawh zungzal hna. Kan thawngpang ṭialmi kongah, pehtlaih a duhmi nih Salai J Vanduhthar Lahnin ah pehtlaih khawh peng kan si. Na relmi thawngpang hna hi midang nih an rel khawh ve nak hnga aṭha tiah na ruahmi a um ahcun share in rak kan bawm ve. Kan ca a kan rel piaktu nan dihlak cungah kan ilawm. Upatnak he Admin

Leave a Reply