Chin State Cozah Thar Cuanh Chungnak & Saduhthah ” (Part III) Biahmaithi: Kan tlangtaar part ( II ) nak ah khan Hakha le Thantlang in Minister caah saduhthahnak kong kan langhter cang. Mah kha ti saduh kan thahnak chan cu quality a ngei deuhmi Minister nih kan hruai kho hna sehlaw, Chinram le Chin miphun caah kan i thathnempi suaumau kan ruah caah a si. Tutan ahcun a si kho te dingmi (probability) kong kan langhter hna lai. Minister tuan dingah cun Elected si a hau loh kan ti cang khah.

Hakha Peng in: Hakha Peng in saduhthah kan langhter cangmi hna cu. ( 1 ) Dr. Sui Hingz ( 2) Dr. Moses Thla Cung ( 3 ) Saya Lian Ceu. Asinain, a tak takin a si kho te dingmi tu cu midang pi an si kho. ( 1 ) Pu Zo Bawi: Pu Zo Bawi ( LL.B ) hi NLD party a dirka te in nihin tiang zumhtlakte in party chungah a um pengmi a si pinah Chin State NLD chairman a tuan liomi le NLD party central committee member zong a si caah ruahlo pin amah hi Minister an tlaihter khawhmi a si. Atu Chin State hluttaw speaker a tuan liomi zong a si fawn.

( 2 ) Pu Siang Mang: Anih hi CNLD party nih MLA an ngeihchun, an fatir a si ve. Thawngpang kan theih ning ah NLD nih cozah thar a ser timhmi hi National Unity Government ( Rampi Rualremnak Cozah ) si dawh a si caah ruah lo pin Pu Siang Mang hi Minister rian an pek khawhmi a si ve.

Thantlang Peng: Thantlang Peng in saduhthah kan langhter cangmi hna cu- (1) Salai Jacob Thang: ( 2 ) Pu Steven Van Bik an si nain, a tak tak i a si kho te dingmi cu midang pi a si kho ve. ( 1 ) Pi Ni Sui Lian: Anih hi atu ah Thantlang Peng Pyithu hluttaw palai a tuan liomi a si i, kum vui in cun Thantlang Peng aiawhin Pyine hluttaw palai a si te lai.

Falam Peng: Falam Peng in Minister an tuanter te hmanh maw, tiah ruahmi cu
Pu Ngun Thawng ( B.Sc ) hi a hot bikmi a si. Anih hi cozah rian sangpi ( revenue service ) a tuan liomi a si. Atu Falam GTI an ngahnak khi amah hramthokmi a si i, a hlawhtlinter tu cu CM Pu Lian Luai si dawh a si ( Ka theih palh dek maw ). Falam peng hi ka theih tuk hna lo caah, midang pi zong an si kho ko.

Matupi Peng: Matupi Peng chungin cun Dr.Sa Sa nak tha deuh an um ka zum loh. Dr.Sa Sa kong cu tampi chim hau ti loin kan theih dih ciomi a si caah tampi langhter a hauh ka zum loh. Dr.Sa Sa hi cu Minister for Social Affairs ( Education & Health Department ) rian kan tlaihpiak kho sehlaw a tha bik ko hnga. ( Mah cabia hi ca tialtu pumpak hmuhning sawh sawh a si. Cattialtu: ‎Victor Pa‎