Pu Siang Lian Hmung:Pyidaungsuh Hluttaw Caah Ahcun USDP An Tlin Ah A Ṭha Bik

Hmuhning

Sa a umlonak le sa a kaap kho lomi meithal ai kenmi khaanbawh caah khaanhawt cu khuhlupum he tlunnak a si. Nihin kan ram dirhmun hi fiangte in hmuhkhawh le thil umtuning hi cuanh thiam ngaingai a herh. Tlangpar ah a ho nih Ngaleng an tlaih ballo bang Meithal kenlo in Sazuk zong kah khawh a si ve lo. Meithal i ken ve ko hmanh ah Varit kahnak zenkuan nih cun Sazuk cu a that kho bal rua hnga lo.

Cu caah Sazuk kah le a sa ei kan duh ah cun Sazuk a that khotu ding zenkuan i ken in a umnak hmun ah fuh a herh. Mi rampi nih cun kan hngalh tawnlo caah a ruahawk zong kan hngal ve fawn loh. Cun a tuah awk le a chimrel awk zong hngalh a si tawn lo. Cu caah Pu Siang Lian Hmung nih kum hra chung research a tuahmi tampi lakah tawite a chimmi pakhat a um. Hi kong hi fak deuh in lu idomh in ruah lo ahcun kan fianglo kho men. Cu caah na rel tikah faak deuh in ruah le tuak i zuam te.

I'm running USDP, says U Shwe Mann | The Myanmar Times

A chim mi cu, “Ramkulh (Pyine) hluttaw caah cun mi zei party a poi lo. Dinfel izuam cio tu kha a herh hnga. Pyidaungsuh hluttaw caah tu ahcun USDP tlin ah a ttha bik. A si lo le Kawlram politics a muru tiang a theimi an si ahcun party fami zong a poi lo. NLD khan chung belte ah Sazuk a tlong ti lo. Tlangcung hriamtlai unau rual hna. Khuaivah bang an tha lawng a ba ko rua lai. Ralchan pet kho loin Tihrah/sor lai ah zei can maw dir peng ko in kan um cang. Ram mipi nih kan feipar, mer kan theih hlan cu Sazuk sa phur loin Khuhlu pum te he lawng inn lei tlun dawh in kan um ko cang” tiah Pu Siang Lian Hmung nih a chim.

Photo Of The Week

Kawlram ṭhatnak le Chin ṭhatnak ding caah tiin zei hmanh ruat loin Kawlram Politics kong ah faakpi in a chungpi tiang pil in heh tiah kum 10 chung bak research a tuahtu Thantlang peng in USDP ramkulh candidate Pu Siang Lian Hmung nih a chimmi hi CHIN mipi nih faakpi in kan ruah a herh ngai ngaimi a si.

Minung cu a theih hngalhnak a tlawm tikah a thil tuahmi ah a palh theo tawn. Cun a theihlo tikah a tuah awk hrimhrim kan hngal tawn lo. Cu bantuk in Kawlram Politics zong hi a chung muru zeidah a si timi CHIN mipi nih kan theih lo ahcun kan thil tuahmi ah kan palh khawh. Siang Lian Hmung

Leave a Reply