Pu Ramchhan Nih A Fapa Meithal In Thih Lak In A Kah Thah A Poi Kho Taktak

Thawngpang

Pu Ramchhan Nih A Fapa Meithal In Thih Lak In A Kah Thah A Poi Kho Taktak

Nizaan September 1,2019 suimilam 8: 20 hrawngah Than Thiak khua ah pa Rohmingthanga cu hringtu pa Ramchhana nih meithal a kah tthah tiah theih asi. Thawngpang kan laknak nih aa chim ning ah cun hitihin thil a can ning cu a chim.

Rohmingthanga hi Pu Ramchhana a fale lakah upa bik asi i. Cun Rohmingthanga hi zu ding sa ei a si i, zu a rit paoh ah an chungkhar ah buainak a chuahpi i, buainak a ser peng tiah theih asi fawn. Pu Ramchhan ah i mi ralttha, zeihmanh ttihnak a ngei lomi le mi teirial taktak asi i, a fapa upa bik Rohmingthanga nih hin a thingaahmi cu a thli tein zu dinnak ah a zuar piak tawn tiah theih a si fawn.

Zaan ah a fapa Rohmingthanga cu zurit buin inn a rak lawi i, buainak a chuahpi hnuah hringtu a pa asi mi Pu Ramchhana nih cun a thinhung a celh lo tukah a fapa cu Rohmingthanga cu a bengh i, cuti a bengh hnuah meithal lakin a lu ah tlenglak in a ti asi. Cu Rohmingthanga ruak cu khuami nih a tawngh zong an tawng lo i palik sinah report tuah in palik pawl cawlcangh an hngak.

Note: Thawngpang kan laknak nih an hmanthlak zeihmanh an chiah lo ruangah Google ta lak in edit kan tuah chawmmi asi ti kha mipi sinah theihternak kan tuah duh fawn.

Leave a Reply