Mitlau kan kawl(Bomhhalnak). Indy um Chin mi unau hna Pu Phun Thang Laitlang a khua (Ramthlo)hi Indianapolis ah March thla dih (Lock down) a thawk ka ah khan Midland,TX in a ral i thial. 625 W Souhtpost Rd 46217 um mi a nau le Inn ah ai thum i June thla 25 Thursday ni in khan Inn ah a tin ti lo (a mah hi zu ding ngai mi a si). Kan lungrethei ngai cang i a hmu mi nan um sual ah cun a tang phone no ah hin kan thanh hram te uh tiah zangfah kan in nawl ko hna. a tlau mi pa a hmanthlak zong a rang ah ka rak post chih. Cung Lian Thang, 317-997-4064

Thawngdang rak rel chih: Tulio Facebook ah hmunhma a lai ngaimi cu Surbung vanlawng bual kong a si. Lai party ttanhmi pawl nih Lai party nih an chim ruangah an tuahmi a si an ti, USDP ttanhmi cheukhat nih USDP palai hna nih an rak chim ruangah an tuahmi a si an ti. NLD ttanhmi zong nih NLD palai hna nih an chim ruangah an tuahmi a si an ti ve.

Paletwa Amyotha hluttaw palai, U Hawi Tin cu AA kut in an thlah lio zongah Lai party cheukhat nih kanmah chim ruangah an thlahmi a si ti phun in an chim. Lai nuhrin covo phu cheukhat zong nih kanmah tawlrelnak in a chuakmi a si ti phun in an chim ve. U Hawi Tin chuahnak dingah aho poah an I zuam cio ko, asinain a taktak ahcun Mizoram Chief Minister Pu Zoromthang thawng in a chuakmi a si ko.

Laimi hi credit pek kan rak uarning a lang ngaingai. Surbung vanlawngbual cu mirangchan zongah an rak i zuam ko lai, Ne Win chan, Ralkap chan le Thein Sein chan tiang zong in an rak I zua ko lai. Chin party zong nih an I zuam I, USDP party zong nih an I zuam ve ko lai. Asinain a tuanchuah khotu taktak cu NLD cozah an si ko. Cu hmanh ah Vice President Henry Van Thio union cabinet meting tuah lio ah rak um hlah sehlaw tuan ah na lim kho lai lo. Caan saupi a rau rih lai. Mi zeipaoh nih I timhtuah le chunmang cu manh cio a si ko. Asinain tuanchuah le rian lim hi a biapi bikmi a si. Cu party ee, kha party ee, cu bu ee, kha bu ee an ti ding a si lo, credit pek tlak cu pek ding a si ko. Salai Lairamthang