CNF in Paul C. Tha nih a mah pumpak facebook ah “Kum sawmthum leh kum hnih degree he ka rian kai lim. Mino pawl an tampi. Dawtnak he…Paul Smith” tiah a ttial. Mah catial mi tang comment pawl zoh tik ah CNF in ai dinh nak a si tiah media cheukhat nih tial cio a si.

Paul C. Tha nih a catar mi tang Comment a ttial mi cheukhat hna chungin “Chungkhar caah ka tuan ve duh cang, An tuan cio kan tuan ve lai cu” ti hna pin ah “I found nobody revolutioner…thats why (dothleng duhmi minung ka hmu hna lo i a si)” ti hna a tial.

Zasang Cinzah nih a page ah attial ning ah “CNF in ka chuak. Zan thum it lo hnu in ka decide mi a si. I cried a lot” tiah Comment in a leh hna nak kong a ttial.

CNF biachimnak nawlngeitu Pu Htet Ni nih “Facebook I ca a tial mi lawng kan theih ve I, biadik tiin fehter a si rih lo. Atu zong Camp ah a um ko” tiah CCN sinah a chim.

Pu Paul C. Tha sinah biahalnak kan tuahmi cu lehnak a um rih lo. Paul C. Tha hi CNF ah General Secretary rian sang zong a rak tlai bal mi a si. Screenshot hmanthlak hi Zasang Cinzah page ah laak mi an si. Hi kong kan zulhdawi rih lai. CCN