Pu Lal Muang Cung Le Pu Tum Sang Zong CNLD In An Chuah Ve Colh Hna

Chin News

Hi thawngpang kan rak thlahmi hi kan ruahnak in kan ṭawnṭokmi a si lo. CNLD party nih official tein thanhnak an tuahmi a si. Miphun sinak theih in a ralaimi November thla 2020 thimnak ah Miphun aiawhtu in a dirmi miphun Party CNLD cu vote pek dingin kan lungah a um ciomi a si. Asinain atu bantukin an phu chungah buainak a chuah lawng si loin, chungtel sinak tiangin pakhat le pakhat an ichuahmi von theih cu ngaihchia ngaingai a si.

No photo description available.

Thantlang Peng CNLD chairman a simi Pu Lal Muang Cung le EC upa pakhat a simi Pu Tum Sang hna cu CNLD CEC nih party July (11) cathanh chuahin party chungtel sinak an chuah hna hi a si. Thantlang peng CNLD party cawlcangh cu ningzah taktak khi a si cang.

No photo description available.

CNLD Babu nawlzulh loin amah kutke tein an cawlcangh ruangah atu bantukin pakhat le pakhat chungtel sinak in i chuahnak tiang a phakmi hi a si. Tutan i atu bantukin an thil tuahmi ruangah CNLD limhangpi cu a tlau diahmah cang ko lai hih. A ralaimi thimnak caah cun ruahchannak a tlawm ngaingai cang.

Thantlang peng CNLD Chairman a simi Pu Lal Muang Cung nih CNLD General Secretary aṭuan liomi Salai Ceu BiK Thawng cu cathanh chuah in Thantlang Myone CNLD Party chungtel a sinak in a chuah lawng hmanh si loin Thantlang Pengah CNLD Party a hmun chung zeitik hmanh ah Candidate caah luh-icuh kho ti lo dingin cathanh an chuah a si. Hmanthlak kan chiahmi tete ahhin tlamtling deuh in rel khawh a si.

Leave a Reply