Run inn thatha, zung thatha le rumra nei ngai in CM ,Speaker le Minister pawl he hluttaw meeting kai le meeting tuah ti nak in, run inn nei lo zungkhan nei lo salah-aih puan zar mi chung i nunnak pek in miphun ramkhel tuan mi CNF he meeting tuah ti lio can hi kai lung hmuih deuh, ka upat deuh, ka uar deuh fawn. Kan caih mi zong hluttaw caih mi nak in miphun caah lung a hmui deuh a sung hlawi deuh a thuk deuh fawn. (2013) CNF Camp Victoria inn le biak inn an neih hlan an meeting room le an biak inn an si. Ram le miphun caah nun nak pek riantuan tu hna an inn lo, an biak inn le an thut to ning zoh tikah upat tihzah lo awk an tha lo.

Cu lio caan ah an ram ciacia, an hmun ciacia, an mah hal mi ciacia kum (72) nak Thantlang “Chin Miphun Ni ” ah CNF donhhlei cung caan hman an senh hna lo cu philh khawh lomi ramkhel tuanbia a si lan cang lai. Credit: Lal Maung Cung Cinzah. Thwngpang dang rak rel chih.

ICJ nih Kawlram taza an cuai ruangah Pi Aung San Suu Kyi cu Lungrawk in um ko cang. Minung hi tuanbia a ngeih mi kan si caah fawi tuk in minung pakhat le pakhat i soiselnak nih thil dik le thil tha a chuah pi kho bal lo. Tutan Aung San Suu Kyi nih kawlram ai awk in Gambia ram ah khual a va tlawngnak he pehtlaih in pumpak in a soisel mi tampi um a si. Ram hruaitu pakhat a si caah amah rian te a si ko tiah a ruah piak thiam mi mipi tampi zong um a si ve. Aung San Suu Kyi a tuanbia hi minung sawhsawh bantuk a si hrimhrim lo.

Kum 1999 ah aduhdawt mi a pasal nih hi vawlei nunnak in UK ram ah cancer zawtnak in arak thi tak. Cu lio ahcun Aung San Suu Kyi cu UK ram va kal aa timh nain kawlram ramkhel lei a rian ( mission) ruangah a pasal rua hman a hmu manh lo.

Gambia le Myanmar tazacuainak Gambia cu west Africa ram chungah ram hmete pakhat a si. Gambia ram a kua le a ngan zia cu ” 4,361 Sq. Miles a si. Minung 1.9 million hrawng an si. Kawlram cu chim lo, Chin state a cheu thum cheukhat tluk hman an si lo. Chin state a kua le a ngan zia ” 13, 907 Sq. Miles a si. Chin state hmai ah kawlram cu a let 60 in a kua i, a ngan deuh fawn. Cucu, dinfelnak duh ruangah Gambia nih Myanmar cu tazacuainak a tuah.

Gambia cu west africa ram ah ram fate pakhat a si bantuk tein an miphun holh zong phung 10 tluk hrawng lawng an ngeih . Cu hna pawl cu ” Wolof, Serer-Sine, Sarahole, Pulaar, Maninkakan, Mandjaque, Mandingo, Jola-Fonyi le the Aku’s Creole hna an si.C redit:chintalks