Lai Mino tampi siseh, kan pale cheukhat nih an timi cu tutan MP hi cu mino deuh kian ve cang hna uh ti a si. Tutan zongah thawngpang ummi cu Salai Ceu Bik Thawng cu MP cuh dingah ai ter lo caah lungfak ngaiin Rangon lei a kir ṭhan timi thawngpang a um pah len. Cu he pehtlai in Pu Chan Khar nih a tanglei bantukin a ṭial.

Chan Khar nih a ṭialmi: Tuzing ah an Secretary nih media ah fianternak a tuahmi ka hmuh. Ka lau ko. Cucaah fiangpo in ka hmuhning hna hi tial ve hi ka duh pah cang ko. Tawifiang bikin chim ahcun an duh lomi savo poh pek an timh. A luan cia caan ah hun zoh uhsih.

2015 i caankarlak thiamnak ah khan Pu Van Thio hmunhma a lawng. Kha hmun ah icuh ve a duh. An kian loh khah. Pi Za Tlem he an cuhter hna. Pi Tlem zong cu cuhlan ah voi 2 ai cuh cang kha mu. Tutan cu miphun party kha Hluttaw ah a tomi um lo asitikah mipi nih an kan vote hrimhrim lai tiah an i ruah nain Pu Bawi Khing he an i phomh tikah a sung diam ai.

Salai tu cu lungfak in Rangon ah a kir ṭhan. Atu ah icuh ve ka duh a hun ti ṭhan. Pu Henry Van Thio icuhnak hmun ah icuh ding kha an ngamh lo caah Salai cu icuh tiah an tarh hoi. Pine ah icuh ka duh a ti ko buin. Pu Van Thio he icuh ahcun kan sung lai ti kha an ruah ca zong ah asi kho, cu ka hmun ahcun tong ta nam in an nam chih hoi!

An party nih an i zohzoh i eibar kan chuak lai loh an tinak poh ah nang salai i cuh an ti le hi ka cun eibar a chuak lai an tinak poh ah anmah nih icuh an duh. Cubantuk lungput cu mah nih ei duh lomi savo kha mi va pek he ai lo.

Note: Caṭialtu hmuhning (Opinion) a si.

Pu Henry Van Ṭhio cu ahohmanh nih zuam hlah uh sih. Upatnak tu pe usih. A ralaimi kum 2020 ram pumpi thimnak ah Thantlang peng ai-awh in Amyota Hlawttaw hmunhma ah party kip in ai zuam dingmi Kuzale poh nih NLD Party in Amyota Hlawttaw hmunhma in Kuzale ai zuam dingmi Kan pa bik Pu Henry Van Ṭhio hi ahohmanh nih kan zuam cawh lo ah a ṭha bik.

A zuam cawh tu zong nih an tei ding a si ṭung lai lo i a zuam tu zingzahnak men a s lai. Cucaah cun ahohmanh nih zuam cawh lo te in amah upatnak kan peknak cah kan kianh ah a ṭha bik. Cu ti kan tuah a si ahcun kan Miphun hawi hna nih mah tluk hin maw kan pa bik a simi Pu Henry Van Ṭhio hi a khua le a ram nih upatnak an pek titu hi kan theih hna sehlaw Thantlang peng hi khuadang peng dang nih an kan hmaizah chin lai i kan lungput kha upatnak an kan pek lai.

Mah hi a thei ko nain a zuam cawh ngammi kan um sual ahcun a poi ngai ding a si. Pu Van Henry Van Ṭhio cu Pathian nih lamhruai sehlaw ram le miphun caah hmang chin rih ko seh.

Note: Hi caṭialtu nih amah hmuhning (opinion) a ṭialmi a si. Cucaah careltu mipi nih comment ṭhalo, volhpamhnak tibantuk hna in comment nan pek lonak lai kan in nawlpat duh hna. Mah le ruahnak, hmuhning chim cu a phung a si ko. Kan ruahning he aikalh khomi zong a si caah comment ṭha lo nan pek lonak lai kan in nawlpat duh hna.

Caṭialtu: Pu Ram Khar