Pu Ca Awi Cu A Fa Sianginn Kai A Donnak Ah Mawttaw Nih  A Pa Nih A Nunnak  A Liam A Nupi Le A Fale Zaangfak Ngaingai An Si

Chin ramkulh Hahkha khuapi ah a ummi Pu Ca Awi fa 6 ngei cu motor nih a pah ruangah siizung ah kalpi asinain a nunnak a liam amanh tiah theih asi. Thil a cang ning cu August 28 zaanlei sang ah Pu Cia Awi cu Tuition (cacawnnak) ah a kalmi a fa dong dingin a kal lio ah U Win Hlaing Oo motor Thawlaizi nih a pah. Motor a pah ah hin motor a hmailei ke le a hnulei ke nih a rial i, siizungah an kalpi hnuah a nunnaka liam ti asi.

Hakha Sakhanhmu U Thein Zaw Oo nih cun ” U Win Hlaing Oo nih a mawnghmi motor hi Tawlazi zong a si lo, Tungbing zong a si lo, Motor ti zongah chim khawh asi lo, accident nak an ton ah hin U Win Hlaing hi zu a ri lo, tlawmpal a muih deuh ruangah lampi lonh/pial ding a hmuh lo ruangah ruah lo pi in thil a cannak hi a si” a chim.

A fa le dong dingin ah kal lio ah motor nih apahmi Pu Ca Awi nih fa 6 ngei asi i, Hakha peng Dauchim khua in Hakha khuapi ah a pemmi an stiah theih asi. Tantaakmi chungkhar a fale le a nupi a chung le khat Bawipa nih an ngaihchiatnak chungin hnem ko hna seh! Source:TCJ