BREAKING NEWS: Malaysia ah a ummi Pu Ceu Mang cu Makota Cheras i tiva an kalnak ah ti ah a paam i tuhi police, Bomba, Khuami le CRC nih a ruak an kawl cuahmah lio asi.

Khampat khuami Pu Ceu Mang cu a hawi le 3 he ruatuai khawrh ding le nga tlai pah dingin an umnak Makota Cheras tiva ah an kal hna. Pu Ceu Mang hi sur a liangah ai bei i a nih hi hmai deuh pi ah a kal, tu a tlaknak ti cu a hei atan, a tan lio zong ahhin capo a vun saih pah buin ai lioh pah, ruah lo ah tiva cu a rak thuk tukmi asi pin ah ti haiherh asi caah a fenh i a pilh colh. A hawi le nih cun an vun kawl colh ve ko nain a ti hi pil 3 hrawng thuk asi i a hrah tukmi le tihaiherh asi caah zeitihmanh in an hmuh lo caah inn ah zualko in an tli colh.

Pumh rak chuahka te asi i Makota Cheras Khampat pa paohpaoh nih a ruak kawl ahcun a rannak in an tli viar colh. Asinain kan chim bang khan ti a rak hrah tuk i a thuk ngai fawn caah an hmu kho lo. “Pil 3 hrawng a thuk I a tlaknak a tawne kan phak ahcun kan thaw a ip colh I zei kan dap kho lo, a tlai cang i nawl ngeitu nih kawl an kan sianh ti lo, thaizing hi special Bomba pawl an ra lai I an kawl lai” tiah a kawl ah ai thawh mi pakhat nih a chim.A rauh hlan ah a ruak an lak khawh zau nak dingah le tantak mi chungkhar caah thlacamnak in bawm cio hna usih.

Lastest Updated; Khua a mui cang i nawl ngeitu pawl nih kawl an kan sianh ti lo i kan lawi cang, thaizing zingka te tuin Bomba (rescuers) pawl he kan kawl than men lai, tiah ruah kawl ah ai thawh ve mi pakhat nih tu te ahkhan a chim. Credit:Chelsea Bawi

Biakilh: Malaysia palik, khuami le CRC hna i bawm in a ruak an kawl nain thawngpang thar zeihmanh a um  rih lo. A ruak an hmu kho rih lo. Taantakmi chungkhar Bawipa tu nih an ngaihchiatnak hnem ko hna seh!

Video timi ahhin a tlaknak video khawh a si. Video