THANTLANG SIINN AH MEHSEမေ့ဆေးAN: CHUNH NAKIN MI THI KAN NEI THA’N: Ni 17/19/2020 ah Thantlang Siinn (Zaato) ah Ngaphaite Khua mi Pu. Bawi Vung (38) cu a rilfonghlei an zeinak (Operation) an tuahnak ah Mehse(မေ့ဆေး) an chunhnak ruangah zinglei 10:00 hrawnghrang ah a thi ti’ah theih asi.

Amah hi a rilfonghlei zei dingah Ngaphaite khua in emergency in an rak phurh i, Thantlang Doctor le Nurse pawl nih a pawpi Operation an tuah hlanah Mehse (မေ့ဆေး) cu Sibawipi Dr.Thun Phue nih chunh uh ati ningin an chunh i, a thi tha nih a cheilo caah Operation room in an chuahpi hnu ah a thi cawlh ti’ah Dr. Lily nih a chim. A ruak hi zaanlei ah an khua Ngaphaite lei ah tlunpi an i timh i, No Covid-19 theihpi nak caa lak an timh cuahmah i, Dr. Thun Phue nih a pe duh te hnga maw tiah theih asi. Amah hi Kum 38 mi fa-4 ngeimi asi ti’ah an chim.

Thantlang mipi an khuaruah a har ngaimi cu ziah rilfonghlei Operation ruag men i, a thih khawh? ti hi asi. Hi Dr. Thun Phue Thantlang a um hnu hin Thantlang Siinn hi min chiatnak le i chuahsual nak an rak nei pah len cang tiah theih asi. Cucaah Mizaw tam u cu Dr. Hmuh Thang Clinic ah an i zohkhenh ter deuh ti’ah an chim. Taantakmi chungkhar sinah Pathiannih hnem ko hnaseh. Credit: MC Biklian