Khah President Vladimir Putin Thil Tuah Ning Cu Ttihnung Chin Lengmang Cang Ko Hih: President Vladimir Putin cawlcangh ning cu ttih nung chin lengmang cang ko hih. Tu chun ah khan Russian President Vladimir Putin nih cun amah sawisel thangchiatnak zawng le biafiang theih lo, (fake news) thawngthanhtu hna tlaih khawhnak le thongthlak khawhnak phunglam cu cohlan in hnatlaknak min a thut cang.

Hi kongah Online media hna zong State Communication Ministry nih zohfelnak ngaih in, President Putin sawiselnak le thawngchiatnak hoih in thawng a thanh mi hna cu an cungah action lak in, Communication Watchdog hna nih hlathlainak tuah in, Russian phaisa Ruble 1.5 million (US$ 20,000) tiang liamter an sin hlei ah thong ah thlak an si fawn lai. Cu cu amah President Vladimir Putin hrim nih hnatlaknak min a thut cang.

A Tang Hi Rel Chih: Minung Loin Pathian Hi Pathian A Si Kho Lai Lo: Pope Francis biachim nih fak taktak in theologian le philosopher hna karlak ah biaalnak a chuahter. Pope nih a chimmi cu ‘minung amah lawng in umter hi Pathian sining a si lo’ tiah a chim. A chim thanmi cu ‘ka u le ka nau le ka farle hna, kanmah lawng in kan um bal lo.

Pathian nih a kan hlat caan a um ko lai, Pathian nih a ka um pi lo tiah kan chim caan zong a um ko lai. Asinain Jesuh Khrih thawngtha nih a kan chimhmi cu ‘kanmah (minung) loin Pathian a um kho lo. Minung loin Pathian hi Pathian a si kho lo’ tiah a chim.Pathian hi kanmah loin a um kho lomi a si. Hihi thil thuk tukmi a si.

Minung loin Pathian hi Pathiam a si kho lo. Hihi Pathian sining a si caah Pathian nih minung a kan dawt tuk. Zumtu nih cun zungzal in Pathian hi kan i bochan ding a si’ Jesuh Khrih zong nih Pathian sinah panh lengmang ding in a kan chim. Bochan tlak Pathian a sinak theih ding in a kan duhpiak zungzal tiah a cawnpiak han.

Pope biachim nih biaalnak fak tuk in a chuahter. Theological professor John Paul Meenan nih a chimmi cu ‘Pathian nih minung a kan herh lo. Pathian he kan i pehtlaihnak cu zungzal Pathian, Fapa, Thiang Thlarau a sinak cungah aa hngatmi a si. A dong kho lomi dawtnak Pathian a sinak in a kan dawtmi a si’ a ti. Ref: TCP