US government coronavirus response updates ning in an thanhmi cu President Trump bultawltu (assistant) cu coronavirus hneksaknak an tuah i positive a si e tiah White House nih an chim. Zawtnak a ngei an timi hi US ralkaap pakhat White House kulhchung ah rian a ṭuanmi a si. President Donald Trump hi kan hnu cacawn nihnihni i hneksaknak tuah a si tiang ah cun negative a si tiah White House official hna nih an chim.

Hi bantuk in thawngthanhnak hi cacawn nilini zingka i rian ngeihlo ruang ah harnak a tongmi hna kong ah thawngthanhnak an tuah khawh ah khan a si. Coronavirus ruang ah inn um ding ti le chawlehthalnak cheukhat pawl phihkhaar an hung si hnu ah hin American mipi rian a ngei lomi hna hi minung 33 million renglo bak an si cang.

Hi harnak chung in rianrangte in luat khawhnak ding caah tiin hneksaknak zong a ran khawhchung in tuah a si. A sinain ramchung ah zawtnak a ngeimi hi an karh chin lengmang ṭhiam ko. American mipi hna cu nunnak caah thirphang lengmang in duhthimnak tuah a haumi dirhmun ah dir a si. Inn ah i erh in harnak tuar le ṭihphangbu in rian ṭuan tibantuk karlak ah an dir. President hrimhrim nih US chawlehnak (US economy) hi kan hun ṭhan a si ah cun nunnak tampi kan caan ko rih lai ti cu a pom. A sinain a tu hi American rampi cuhlan bantuk ah kan ser ṭhan caan a si tiah faakpi in a chim.

President Trump nih hin American rampi chawlehthalnak rianrangte in a nun ṭhan khawhnak hnga heh tiah ai zuam. Cu bantuk in chawlehthalnak nunter an i zuam bu in COVID-19 runvennak zong cu tuah chih a hau. A tu tiang ah US ramchung ah hi zawtnak ruang i nunnak a liam cangmi hi minung 73,000 bak an phan cang ti a si. Ref: ABC News