President Trump Nih Vawlei Pi Theih In Iran Cung A Lungput Fiang Ko In A Chim Cang. Trump nih fiang ngaiin zapi sin ah thawngthanhnak a tuah mi, Nan tho ttha hna maw? hi kong hi lunglawm tein in chimh ka duh hna. Nizan ah Iran cozah nih aa kan kahnak ah khan kan ram minung hohmanh hliamtuar an um lo hi America mipi viatle hna caah asunglawi taktak mi le i lawmh ding asi.

Hliamtuar an um lo kan ralkap vialte an him dih. Ralkap umnak tu cu a rawk pah i asi. America ralkap tthawng le cak hi zeibantuk paoh a dir awnh kho dingin kan ready peng. Iran hi a lungrawk in a beidong ngai ko rua tihi alang. Cucu kanmah ca lawng hmanh siloin hi buainak ah a telmi vialte hna le vawleipi caah a tthatuk mi asi. America mi an si ahmaw Iraq mi an si ah nunnak liam an umlo nak aruang cu a hlan ken in kan i ven caah asi.

Kan ralkap pawl an cawlcangh ning le an i ralrinnak a thattuk caah asi.American ralkap, anu apa in an thiamnak le an raltthatnak khuaruahhar in ka hmaihngal i ttihzah upatnak he an kut zong ka tlaih hna. Ahlanliopi a kum fiangin ka chim ahcun kum 1979 lio in khan Middle East ram le apin deuh ram hna tiang nih a chiatnak hoih in rambuai hoih phun in Iran cozah umtu ning hi kan rak tuar cang. Kha lio caan kha tu ahcun a liamcang. Iran ram hi ralhrang cawlcanghnak lei ah ahramthoktu le bawmtu bik asi i Nuclear hriamnam ngaih a timhnak ah hin hmunkhat thutdirttinak le duh nung umnak vawlei hi akinter cuahmah. Iran nih hin vawlei hi thinphan thlalau in a umter ding hrimhrim asi lo. cucu thil cu a chuah kan siang ding mi asi lo.

Kan hnu zarh ah biachahnak biapi kan tuah i, ralhrang tuahsual pakhat nih America mipi hna nunnak thinphang in tuah atimhnak cu kan dih donghter i, ka nawlpek nak bangin US ralkap hna nih vawlei cung ralhrang mittihnung bik Qassem Soleimani cu an fim tawl kha si i, Qud ralkap lutlai asi caah Soleimani hi midang caah chiatnak thisen chuahnak ttihnung a chuahtertu taktak cu asi. Amah nih hin ralhrang pawl ralkap, Hezbollah tiangin tukdohnak a cawnter hna i, zeisualnak angei lomi mipi hna cungah ralhrang cawlcanghnak ttihnung a chuahter peng, Middle East ah thisen tampi chuahnak tiangin tukdohnak achuahter, A ttihnun khawh chungin US ralkap a thongthong hliam atuarter hna, Lamkam bomb hna akamh aral asimi hna kut le ke atan hna, khuaruahhar minung asi.

Hipa nih hin naite ah Iraq ramchung US ralkap hna cu tukdoh dingin nawl apek i, US ralkap minung pali nih hliam an tuar. America minung pakhat a nunnak aliam. Baghdad khuapi chungah US embassy tukdohnak zong kha amah timhtuahnak thiamtthiam asi. Tuan deuh zongah hipa nih hin America mi hna tukdoh atimh tthan hna i, a nunnak kan dihternak hi asi. Soleimani kut chungah hin America mi le Iran mi hna thisen akai, Hipa hi tuan ah khan an nunnak rak lak cang dingmi a rak si. Soleimani kan fimtawl khawh mi nih hin ralhrang phoih hna caah biachahnak biapi atuah colh. Na nunnak na sunhsak asi ahcun midang nunnak thlaphang in chia hrimhrim hlah ti hi asi.

Iran lehrulhnak ding kong ka ruah ah hin US nih cun rianrang in Iran cungah economic lei ah phihkharnak hi kan chap lai i, Hi kan phihkharnak fak hi Iran ram hruaitu hna an nunning le an ziaza an i thlen hlan lo paoh cu pehzulh in kan fehter peng ko lai. Thlahnih khat aliamcia mi ah khan Iran nih hin an ramchung rilipi asilomi ah midang long ngan hna cu a tlaih hna pin ah Saudi Arabia akah tthan, US drone pahnih a kahthlak rih. Hi bantukin hrutngai in Iran cawlcangh aa thoknak hi kum 2013 Iran nuclear deal remdaihnak an tuah ni thok khan asi. Kha remdaihnak ruangah Iran sin ah 150 billion pek asi. Tangka fang an pekmi zat 1.8billion cu chim lo usihlaw, Kha ruang hmanh ah Iran nih US cungah ka lawmtuk ti dingmi America cungah thihnak nih tlak ko seh tiah chiat aa kan serh lehlam. Kha remdaihnak tuah khan hithil hi asi. Kha thawk khan Iran nih chiatserhnak an chim hi asi.

Cu lio khan Iran cu ralhrang cawlcanghnak ah alut i, kha remdaihnak tangka a hmuhmi kha hlawk ngai in a hman i Yemen le Syra cun Lebanon le Afghanistan le Iraq hna ah ralhrang phoih pawl bawmhnak apek hna. Nizan ah Iran nih kan ralkap hna le kan dirkamh mi hna cu missile an vun kahnak kha kan hlan i America lutlai “Obama ati duhnak” nih Iran sin ah arak pekmi tangka in an sermi asi khah. Iran cozah nih thilti kho a dawh hna i lamzawhmi 1500 an thah rih hna.

Kha lio JCPOA a thalomi cu adih taktak, Iran nih cun nuclear serlo dingin biakamnak atuahmi cu alet tthan i Iran nih hin nuclear hriamnam ngaih a timhnak le ralhrang abawmhnak hi adihter in angol colh ding asi. Iran he remdaihnak atuahmi ram United Kingdom Germany France, Russia le China hna i hngilhnak in thawh caan aza cang, Thil sining taktak nan theih i nan cohlan ahau cang. Iran Nuclear Deal, JCPOA kongkau ah hin United Kingdom le Germany cun France le Russia le China hna he hin Iran he remdaihnak thar tuahning lam kan kawl i vawlei hi hmunhim deuh le zalong deuh in kan sersiam ahau cang. Iran ram hi a vun tthan i a hungngan khawhnak dingah remdaihnak kan tuahpi ka rian biapi asi i Iran nih hin i thangh khawhnak thiltinak angei i ram ropui taktak asi.

Iran nih hin thazaang chuahnak hna buainak ser hna i, huatnak le tukdohnak abuaipi peng ah cun Middle East ah hin remnak le daihnak aum kho lai lo. Curuangah ram tthangcho deuh hna nih Iran hruaitu hna sin ah biacah biapi kan theihter hi ahau. Cu biacah cu ramdang buai dingin ralhrang forhfialnak thihlohnak buainak tuah hhrimhrim hi kan kut i sih in kan zoh sawhsawh ti lai lo, hi bantuk thiltha lo hi cu kan siang ti lai lo. Tuchun hrimhrim ah hin NATO hi Middle East kan sertthannak lei ah thuk deuh in nan i tel dingah kan nawl hna lai i, Atu kumthum chungah hin ka hruaimi cozah tangah kan ram chawva dirhmun cu attha i Oil lei zongah kan i to delh. Hi kan i todelhnak ah hin kan ruah dingmi lam a chimh peng i, kan hlawhtlinnak hi midang nih an tuah khawh lai an rak zum ballo mi kha asi.

Oil harh ruang le duh ruangah Middle East ram kan kal ahau ti lo. Vawilei cungah atam biknak kan si cang. Kan i to delh cang, Middle East Oil kan harh ti lo. America ralkap hna hi ka hruainak tangah atthatuk i, hi thil ah kan dihmi hi 2.4 trillion asi. US Armed Force hi cuhlan vialte nak in a thawngttha tuk. Ka bomb mit ngei le bomb cakei hna cu an ngantuk, thil ati khomi hmuitinh akheng khomi mitampi thihnak achuahter kho mi le rang taktak in a hmuitinh aphan colh mi an si. Atthawngin acak taktak mi missile tampi hna cu kan tuah thlauhmah rih.

Ralkap tthawng, hriamnam ttha le ttihnung taktak mi kan ngaih mi hna hi kan hman lai tinak asi lem lo. Hman kan duh lo. Amrica tthawnnak, Ralkap lei ah siseh chawva lei siseh zuamcawh phun kan si lo. Aliamcia thlathum ah khan IS hna cu zakhat ah zakhat kan hrawh dih. An ram zong kan lak cang,An hruatu ttihnung Khrihfami le Muslim tampi lu atantu al-Baghdadi zong kan thah. Kha pa kha khuachia asi. IS ram dirh atimh nain atlamtling lo.

Ka hruainak tangah IS ralhrang thong tampi thah in siseh tlaih in an um hna. IS kha Iran ral tthing an rak si i, IS hrawh kha Iran caah arak ttha tuk i, IS doh kongkau ah Iran he hin ttuantti ding kan si i, kan ruahmi vialte hna zong aa khat ding mi kan si. Adonghnak ah Iran mipi le ram hruaitu hna khuaruahnak ttha ngei ulaw kan duh i, cucu nan phu hrimhrim ko, nan ramah tthanchonnak chuak seh, vawlei cung ramdang hna he lungrualte in um tti in lengtti hna usih, US nih cun vawlei ah remnak le daihnak um hi lungthin tak tein a duh peng mi asi. Ka lawmtuk,”tiah Trump nih a chim.