Atulio zawtnak ṭihnung lio vawlei cung hmunkip ah a karh cuahmahmi Coronavirus (Covid-19) zawtnak doh nakding ca ah tiin US President Donald Trump nih 2019 a thlahlawh chung in $100,000 a hlut, tiah kan theih.

President Donald Trump nih a hlutmi $100,000 check cu White House Press Secretary Stephanie Grisham nih Twitter ah hman in a tar i, ca aa ṭial chihmi cu “Hihi atu lio zawtnak Coronavirus dohnak ca ah tiin President Donald Trump nih 2019 a thlahlawh chungin a hlutmi a si,” tiah a ṭial chih.

President Donald Trump hi uar a um ngaingai a President a ṭuannak in ahmuhmi a thlahhlawh hna hi thil dangdang rianṭuan ah maw siloah Homeland Security rianṭuannak tibantuk ah a hlut ṭheo tawn tiah theih a si fawn. Tuzing tiangah US ah Coronavirus in a thimi hi minung 16 an si cang ti a si i Coronavirus zawtnak a ngei tharmi hi minung 15 hrawng an um cang tiah theih a si.