President Trump Nih Congress Member Pawl Awlokchong In A Tuah Hna US Mipi Caah Thawnpang Ṭha Taktak A Si
President Trump hi cu US mipi caah cun a rak ṭha ve hrim ko. President ah thimlo awk hrim a rak ṭha loh. Coronavirus nih a chuah pimi harnak kong he pehtlai in nizan cacawn nihnihni ah khan Congress member hruaitu pawl cu awlok a chonh hoi cang hna.
Trump nih a timi hna cu coronavirus nih a chuah pimi harnak a tongmi hna bawmhnak (coronavirus relief bill) hi tuah piak ṭhan hna uh. Small-business loan program le state le local governament pawl bawmhnak pawl zong hi chung ah hin i tel chih dih seh. Cu bantuk bawmhnak (bill) cu kan pass piak uh tiah a nor chih ṭhan cang hna.
Senate le House pawl cu Paycheck Protection Program and Health Care Enhancemant Act cun PPP, Hospital le hneksaknak tibantuk caah bawmhnak tuah ding in ka ti hna tiah a Twitter ah a ṭial. Hi bawmhnak (bill) kong ah ka min ka thut khawh hnu ah phung thiampawl hna le khuakhaang larel hmasatu pawl (Legislative Initiative) hna he COVID-19 ruang ah harnak a tongmi State le Local Government pawl hna caah bawmhnak kong cu kan ceih tthan te lai. Cu tik ah cun Bridges, Tunnels, Broadbang, Tax Incentives for Restaurants, Entertainment, Sports le Payroll Tax Cuts ti bantuk pawl cu kan chawlehthalnak a ṭhancho khawh ṭhannak hnga a herhning in timhtuah an si ṭhan te lai tiah a chim.
Kan hnu lei zarh ah rak thanh ding a si cangmi Paycheck Protection Program in Small Business Administration caah $ 479 billion hrawng cu peek a si ṭheu lai tiah ruahmi cu Senate Democrats le White House officials pawl nih a tu tiang a donghnak thanhnak an tuah bak rih loh. Hi zong hi hospital ah hmaisuang ah a dirmi pawl hna le hi coronavirus dohnak ah zaanghlei a cawimi pawl, mithar hneksak a herhmi tibantuk a herh zualmi pawl caah a si lai ti a si. Phung thiampawl hna le Senate pawl nih an ceih hnu ah cacawn nilini hrawng ah cun thawng a fiang te lai tiah ruah a si. Ref: New York Post