Minak pa thihnak ruangah duh lonak a langhteru mipi White House an neih chin lengmang caah President Trump le Vice President Mike Pence cu Presidential Emergency Operations Center [ PEOC] timi white house inn chung i, East wing timi inn tang i a ummi khur, bunker chungah an chiah hna. Cu Secret bunker cu Trump nih ahmuhning tlawmpal chih hleiah Barack Obama rak faak ngaiin a soisel chih. A soiselning cu a tanglei bantuk hin a si.

“Duhlonak a langhtertu (Sanda a piahtu) mibu hna cungah lunglawmhnak ka ngei. Vice President Pence le keimah zong Secret White House Bunker, White House tangbik (vawlei tangah) chiah kan si. Hi innpi an sakmi cu a ngan in a mak tuk hringhran. Asinain thurhnawm tuk in Obama nih a chiah. Thurhnawm tukin le rawl tbk supply tuah kho loin a chiah. Obama nih timhtuahnak (planning) a rak ngeihmi cu tihnung taktak a si,” tiah Twitter ah a ṭial.

By Salai Lairamthang: President Trump cu White House PEOC Ah A Um. Sandahpiah tu hna nih nizan ah white house an neih caah secret service nih President Donald Trump cu Presidential Emergency Operations Center [ PEOC] timi white house inn chung i, East wing timi inn tang i a ummi khur, bunker chungah an luhter.

White house a vengtu secret service minung 50 tluk hma an pu. US Marshals and Drug Enforcement Administration (DEA) agent hna le National Guard nih an rak bawmh hna. Sandah piah tu hna nih datsi dur le meidur in an cheh hna. Atu ahcun White House cu Lockdown an tuah lawlaw.

Presidential Emergency Operations Center [ PEOC] timi hi US president caah special in an khuarmi vawlei tang lungkhua a si i. US ral a thawh caan, terrorist nih an tuk caan le President caah tihnung asi caan poah ah President an thuhnak hmun a si. Muslim ralhrang nih 9/11 lio ah New York khua i world trade center an kah lio ah Vice Presdient Dick Cheney an chiahnak a si. Mah lio President Bush cu Florida a phan. Mah PEOC bunker pi hi vawlei ralpi 2nak lio ah President Franklin D. Roosevelt him tein Presdient a tuan khawhnak caah an rak sakmi a si.