President Trump nih president a chuah hlan election campaign lio tein ka tuah lai tiah a chimmi chung in a tuah cangmi cu a tanglei ah ka thil chihmi pawl an si. President Donald Trump Nih A Tuahchuah Cangmi;

1) Jerusalem cu Israel Capital ah ka cohlan lai a ti bantuk in a cohlan pin ah, US embassy cu Jerusalem ah a thial. (2) US tax petu hna phaisa hmang in nau thlak, nau thah, nau hrawh a pommi hna, International abortion tuahtu NGO le INGO pawl bawmnak a phih piak hna. US I Abortion a tuahtu Planned Parenthood pawl zong federal funding a phih hna.

3) Obama nih a rak sermi transgender school law a thlen, public Sianginn I thlacam a ngah lomi phung zong a hrawh. (4) Obama nih Iran duhning in an rak tuahmi, Iran Nuclear-Deal, hrawh taktak. Sanction zongh a tua chihh. Iran cu muslim ralhrang terrorist a bawm tu bik a si. Iran ah sipuazi a thli tein a tuahtu, Tuluk company Huawei company ngeitu i fanu, Meng Wanzhou cu Canada ah a tlaih ter hna i taza a cuai ter hna.

5) America ram ah Oil/Gas a chuah I, middle east pawl a bochan tawnmi kha a dongh ter. America ramsung ah oil/gas tampi a chuah tik ah middle east pawl duh tawk in sanction a tuah khawh hna. 6.  1969 ah America ram ah rian ngei lomi, a tlawn bik le riantuantu an tambik caan sipuazi a tha bikmi caan a ser khawh.

7. Christmas ah White House in “Merry Christmas” tiah vawlei pi theih in a phuan ngam. Obama chan ahcu Merry Christmas tiah a chim duh lo, Happy Holiday” a ti. (8) Obamacare ruangah, health insurance ngei lomi cozah nih dantat mi phung a thah. 9. UNO ah Israel fek tein a dirkamh. Obama chan ahcun Israel cu dirkamhtu cu chim lo, mawhchiat an tong zungzal.

10.  Religious freedom act thar a tuah, biaknak zalonnak phung thar a ser, na zumhnak ruangah tazacuai khawh a si ti lo. 11. North Korea nih nuclear test a tuah tawnmi cu a zor ter. 12 Khrihfa a thattu, an hngawng a phet tu hna, ISIS muslim ralhrang a thio dih hna. A thong in a thah hna. An hruaitu Abu Bakr al-Baghdadi zong a thah.

13. Hlan lio North Korea ral ah American ralkap thimi pawl ruak USA phurh dih hna. (14) Supreme court ah conservative, Pathian zummi judge pathum a thut ter hna cang. 15. DACA law (human trafficking ah an hman) a thlen, ramdang mi a hlei in Latin leimi US ah a thli in a luttu pawl a zor deuh. (16) US Cozah in mipi an temtawntu phung tampi a hrawh.

17. China he trade deal a tuah khawh. US nih China he chawhlehnak ah kum khat I, US $400 billion reng lo sung tawn. Asinain a ra laimi kum 2 chungah China nih US sin in US$ 220 billion man a cawk cang lai. 18.President Trump hruainak in US, Mexico le Canada nih USMC trade deal a tuah khawh i, NAFTA a hrawh. US nih kum khat ah US$ 26 billion a hmuh chap hlei ah US GDP US$ 68.2 billion a kaiter lai.

19. US Mexico border wall meng 200 tluk a lim cang. Meng 90 a thar chuah. Atu cu US Mexico ramri cu Mexico ralkap thong 20 nih felfai tein an chongh caah phungning loin US a lutmi an zor tuk cang. Mah ruangah rit si, mi tha lo, Gang le minung zual a zor. Nu tampi cu gang nih US ram chungah an luhpi hna i, an zuar hna. Mexico president thar he hnantlaknak laak in US le mexico ramri cu Mexico ralkap a conghter hna. Phungning lo lutmi, minung, gang le drug a zor. 20. President Trump nih Israel le UAE karlak le Israel Bahrain ram karlak ah daihnak a serpi khawh hna.

Biakilh: Talkshow tuahnak ah ka chimmi chung in ka laak thanmi a si. Caṭialtu: Salai Lairamthang

Trump le Biden dirhmun rak zoh ve tuah! US election cu Ni 4 te lawng aa duh cang. Ahodah a tei lai timi an dirhmun ka von langhter ṭhan hnik lai. Ka bia sau pah ko sehlaw, keihi vote ngei ning law, Trump ka vote ko lai. Zeicatiah, Conservative ka si. Canada zong ahhin Conservative peng ka vote ko rih. Asinain a tu ka ttialmi hi dirpinak lei catial siloin, an dirhmun cuaithlainak te sawh ka von thai.

US President thimnak ahhin kan zoh ciomi cu “Swing states” hi an si. The Guardian nih atu minutes tlawmpal ah an update ning ahcun “Swing State” a simi Florida ah Bidden nih 1.9 in a tei rih. Pennsylvania ah 5.7 bak in a tei. Machigan, Arizona, North Carolina tbk ah Bidden nih a tei viar i Ohio lawng ah 0.8 in Trump nih a tei.

 

Atu an dirhmun tein a kal ko ahcun Bidden nih landslide in a tei lai tinak a si. Nain poll cu 2016 zong ah aa palh caah 2020 zong ah aa palh kho rih. Tutan ah Trump a tlaknak bik cu, Pandemic a handle ning cung ahhin a si ko. Thal mei kangh in Vawleipi a kang viartu “Coronavirus’ control nak ahhin Global Leadership a la kho lo. Amah zong aa veng kho lo tiah sual an puh hi a fak tuk.

Trump hi a “Racist” tuk tiah an puhmi cung ah a Racist bak ko timi hi mizapi thinlung ah a ngan chin lengmang. Cucaah, Race issue ahhin fak tuk in a tla rih. Kawlram caah ahodah a ttha deuh lai? Myanmar Ram caahcun Bidden hi tling sehlaw a ttha bak lai tiah ka hmuh. Pi Suh he nainiam deuh in rian an ttuan kho lai. Caṭialtu: Zasang Cinzah

Admin hmurka: Chinworldnewsvening nih thawngpang kan ṭialmi hi kanmah nih kan phuah cawpmi kan ṭialmi a si lo. Mipi sinah adikmi thawngpang zamh hi kan i hmuitinhmi a si. Cun, thawngpang kan ṭialmi hi areltu mipi caah ṭhathnem santlaih, theihtleih ṭha siseh ti hi kan i hmuitin bikmi a si. Asinain, minung kan ti cu tlamtlinlonak tete zong a kho mi a si caah thawngpang kan ṭialmi kan palhnak a um  cun theihter khawh peng kan si.

Mipi sinah thawngpang thlazamh piak na duh si cun zeitik caan paoh kan i thlahzamh piak khawh zungzal hna. Kan thawngpang ṭialmi kongah, pehtlaih a duhmi nih Salai J Vanduhthar Lahnin ah pehtlaih khawh peng kan si. Cun, Na relmi thawngpang hna hi midang nih an rel khawh ve nak hnga aṭha tiah na ruahmi a um ahcun share in rak kan bawm ve. Kan ca a kan rel piaktu nan dihlak cungah kan ilawm. Upatnak he Admin