Zeimaw thil ruang ah rammi ramleng ah a ummi nih harnak le bawmhchanh hau an um sual ah cun an umnak ram hruaitu hna cu keimah nih direct in ka chawnh hna lai tiah a chim. A peh chih rihmi cu State Department nih ramdang (ram 75) i a ummi Americans 40,000 cu vanlawng 400 hmang in a laak cang hna ti a si. Thil poipang a um sual ahcun kan rammi cu him tein kan ram ah an kir khawh nak hnga keimah nih direct in an umnak ram hruaitu cu ka chawnh hna lai ti zong ah a chim chih.

New York khuapi ah virus a karh ti lonak hnga bawm ding in sii lei raalkaap minung 1000 cu kuat an si lai. New York cu si lei ralkap, nurses, doctors cun a herh mi midang zong an hmuh ko lai zeicatiah cucu an herh hrimhrimmi a si tiah mipi sin biachimnak a ngeihlio ah a thanh.

Tuandeuh zong ah khan virus a tam biknak state hna ah cun a herhning in raalkaap cu kan kuat ko hna lai tiah a rak chim cangmi a si. A chim chihmi cu kan raalkaap pawl hi raltuknak hmun ah raal tu ding in an kal lai. Cu raal tuk ding ah cun training zong peek an si bal lomi ral cu an va do lai. Mizeihmanh hi raal doh ding hin training peek an si bal lo i hi raal doh ding ah hin mizei hmanh kuat zong an si bal fawn lo tiah a chim. Ref: ABC News