Cortez Hi Thah Ding Si Tiah An Chim Ruangah Police Officers Pahnih Rian Phuah An Si

President Donald Trump-nih Left-wing “Liberal Dem Squad” a rak timi hna, Ilhan Omar, Ayanna Pressley, Rashida Tlaib le Alexander Ocasio-Cortez pali lakah Cortez-i Puero Rican-American nu cu American Police officer Charlie Rispoli, Gretna City Police Dept, New Orleans ah, kum 14 chung Police rian a ttuan cang mi nih Trump dirkamh zong in meithal in kah ding” (needs round, shot) timi biafang hmangin Facebook ah a tar ruangah a rian in ban a si. Mah kongah Facebook gr pakhat NOLA. COM ahcun Officer dang pakhat nih Angelo Variso biachim mi dirpi hoih in comment a pek ve ruangah a nih zong cu a rian in phuah/ban si ve.

Hi kongah nawlngeitu hna nih an timi cu, Charlie Rispoli thiltuah mi le biafang a hman mi hi “unprofessional, violent act” tiin, tharum thawhnak a si tiah an ruahpiak.

Kan theih bantukin atu lio ah President Donald Trump-nih Liberal Dem Squad nu pali, House member hna cu “America soisel lawng an rianh tikah, American ah an i nuam lo ahcun an ramah kir ko hna seh (go back)” tiah a chimmi ruangah kaphnih karlak ah buainak a sang chinchin. American mipi ruahnak, a bik in Republican le Democrats kar ah buainak biatak te in a zual chin. Mah ruangah Democrats lei nih Trump cu” Racist” tiin an puh ve.

Hi kong he pehtlaiin John Nolte, Editor at Large of Breibart News nih a langhter ning cun President huatnak ruang le amah Donald Trump dirkamhtu hna cung i dohnak le an lak i tharum hmannak hi voi 639 a si cang,”tiah an chim ve.