President Trump Cu A Chanchung Ah Biakhiahnak A Har Bikmi Tuah Ding A Si Caah A Lungre Lawng A Thei Ko Cang

Thawngpang, World News

Coronavirus ruang ah President Donald Trump cu a lungre lawng a thei ko cang. Ka chanchung ah a ngan bikmi le a biapi bikmi biakhiahnak ‘Biggest decision of my life’ tuah ka hau tiah a chim. President Trump nih hin zei tik set ah dah lockdown hi hun tthan a si lai ti cu a chimlo nain White House nih chawlehthalnak kong he pehtlai in May thla nikhatnak ah khin cun hun tthan te ding ABC News sin ah an rak chim chung bang cang.

Coronavirus government response updates: 'Biggest decision of my ...

President nih le kan ram hi a rauhhlan ah cu hlan bantuk a si tthan ko lai tiah a tu le tu in a chim pengmi a si. Cu lawng silo in cu hlan nak sangdeuh ah kan i hlok lai tiah a chim chih. A sinain zeitik ah dah ti le zeitin dah timi kong ah cun fiangte in a chim kho ve hrimhrim loh. Governor tampi hna nih fimcawnnak hmun tampi hna cu inn in cawnding in le zeidang mipi cawlcanghnak hna cu June thla dongh tiang lockdown ding in thanh a si.

Khatlei in zawtnak i chawnh kong ah cozah top expert a simi Dr. Anthony Fauci nih faakpi in ralrin a peek ve hna. A chimmi cu rampi hi hun tthan colh a si ah cun zawtnak hi a karh chin lengmang ko rih lai. Mipi nih zawtnak an ngeih le ngeihlo hi a caan te ah kan tuah a herhmi a si. Lockdown hi hun tthan colh a si ah cun zawtnak hneksaknak kong ah kan buai ngaingai lai tiah a chim. Ref: ABC News

Leave a Reply