President Trump Nih Sipuazi in Tuluk A Rengh Khawh Cang. US le China sipuazi in an ingiarnak le an irenghnak vialte cu caan sau nawnte ceihmainak an tuah dih hnu ah President Trump le China Vice President nih tuchun ah minsen an thut. Mah bantuk in kap hnih hnathlaknak an ngeih khawhmi cuTuluk nih an lung an tthumh than caah a si.

Hnatlaknak an tuahmi ah Tuluk cozah nih a thli tein US intellectual property a fir lengmang mi le duh poah in Tuluk phaisa man a ttumter mi le a kaiter mi vialte a ngol cang lai. Hi hnu kum 2 chungah China nih US thilri chuahmi US$220 billion a cawk fawn lai. Mah chungah US cinthlaknak in a chuakmi $50 billion, Service tuahnak caah $50 billion, energy cawknak caah $75 billion le manufacturing in $80 bilion man a cawk lai. Mah nih hin a ra laimi caab ah US sipuazi tampi a tunmer chap lai ti a si.

Kum chiar te US le Tuluk chawleh thalnak ah US nih a sunghmi hi US$ 353 billion tluk lengmang a si caah President Donald Trump nih Tuluk cozah cu ngunkhuai tam deuh laak in a rengh hna. Ngunkhuai 25% tiang a laak hna caah Tuluk he chawleh thalnak ral an tho i, Tuluk nih caan tlawmpal chungah a sunghmi hi US$ 84 billion tluk a si an ti.

Mah ruangah Tuluk cozah nih an tuar kho ti lo i, President Trump he deal tuah dingah cabuai cung ah an hung phan than i, atu bantuk in kap hnih hnatlaknak an ngeih khawhmi a si. President Donald Trump nih US caah atha a timi cu a chim bantuk in a tuah i, a tuah zong a tuah khawh taktak ko. US nih a rengh cangmi ram hi cu a donghnak ahcun an i ngal lengmang ko. Credit: Salai Lairamthang