President Trump Caah Thawngttha. Supreme Court A Dumi An Pompiak Cang

President Trump caah thawngttha: US ramchung i a nganbik mi Supreme Court nih President Donald Trump’s Immigration Policy duh ning in biachahnak a tuah cang. Supreme Court nih cun Trump Admin cu tthawng deuh (toughest restriction)-in US pem a tim mi hna le luh a rak i tim mi (migrants/asylum)pawl luh khawh dingin nawlngaihnak a pek cang hna.

Supreme Court -i Liberal Justice an ti tawn mi, Ruth Bader Ginsburg le Sonia Sotomayor hna tu nih cun hi biachahnak hi an duh lo in, “Supreme Court biachahnak hi a tuan tuk” (act too quickly) tiah an ti ve.

Supreme Court nih Trump Admin siam “Asylum New Policy” cu khoi ka hmun poh ah hman le tuah khawhnak nawl a pek cang hna. President Trump zong nih hi bantuk in a duh ning in rianttuan khawhnak lamttha a hmuh mi cu a lawm i, Twitter-ah “BIG United States Supreme Court WIN for the Border on Asylum!” tiin a ttial colh ve.

Cu lawng si loin Trump Admin lawmhnak taktak pahnih simi cu, tuan deuh ah Pentagon (Military Budget) chungin Construction phaisa US$ billion zong ramri vampang saknak caah Court-nih biachahnak a rak tuahpiak bal cang.

Atu ah Supreme Court-nih biachahnak a tuah mi le Trump Admin ruahmannak Asylum Policy thar tthenkhat cu a luancia July khan hman colh dingin thawngthanh a sinain Democrat-pawl tthawn nak le cozah sernak California state tu ahcun Federal Court nih a kham dih ruangah hman khawh a si lo. Atu ahcun Supreme Court biachahnak bantuk in khoi ka hmun poh ah hman le kalpi a si cang lai. Cun, atu hi Immigration Court-ah minung 436,000 konglam ruah cuahmah lio an si.

Atu ahcun US luh a tim mi ralzaam nih cun US ah direct kal loin, a bik in Honduras, Guatemala le El Salvador ram mi hna cu Mexico ramah humhimnak an hal hmasa a hau cang lai.