US Covid-19 Update: 04/22/2020. President Trump nih Iran cu ralrinnak tuzing ah a pek. Iran ralkap tilawng nih US tilawng hna cu Persian gulf ah hna an hnawh pah lengmang hna caah atu bantuk in kah colh dingah President Trump nih US navy ralkap cu nawl a pek hna. Iran cu US nih sanction a tuah caah a cel ngai cang. Ramdang in bawmhnak fawi tein a ngah khawh ti lo caah an ram a har chin lengmang. US tilawng le vanlawng ralkap nih Iran ram i a lut a chuakmi tilawng vialte cu a herhning in chek lengmang a si caah atu bantuk in ihnursuannak a chuahnak cu a si.

Tuchun tiangah US ah a thimi, minung 43663 42479 an phan. Nizan lawngah minung 1184 an thi. A zawmi 803600 791962 an phan. Nizan lawngah a zawmi, 11638 an i chap. Minung 60000 tiang cu kan thi kho ko tiah President Trump nih a chim. Tutiang ah zawtnak a chek cangmi 4.6 million renglo an si cang. Minute 15 a raumi, Virus testnak thilri a um cang caah nifatin minung a sing in an chek khawh cang hna. Antibody testnak zong tuh a si te lai.

Nizan tiangah adam thanmi, 75317 an si. Nizan lawngah a dam thanmi minung 3422 an i chap ve. New York khua pakhat lawngah minung 19410 an thi. Nizan lawngah ah New York i a thimmi, 481 an si. New York khua pakhat lawng i a thimi minung hi US ram pumpi a thimi 40% tluk a si. Credit: Salai Lairamthang