President Trump A Rian thlaknak Kongah Zeitluk in Dah Tihnun Timi FBI Nih An Thanh Cang

World News

Democrats party hruaitu hna nih Vice President Mike Pence cu 25th Amendment timi phung hmang in President Donald Trump cu a rian phuah an forh. Asinain President Mike Pence le Republican hruaitu hna nih an duh lai zumh a um lo. 25th Amendment timi cu a tawinak in President nih a rian a tuan kho ti lo tin Vice President nih chan khawhnak phung a si.

Image may contain: 1 person, standing, text that says "LOWST bns News > US News NATIONAL CHAOS Trump insurrection Invoking 25th Amendment 'could cause huge uprising' and 'armed protests before inauguration: FBI' Mollie Mansfield 12:16 ET, Jan 11 2021 Updated: 15:47 ET, Jan 11 2021"

FBI nih hlat-hlainak an tuahmi report an pekning ah 25th Amendment hmang in President Donald Trump an thlak sual ahcun ramchung ah meithal he sandahpiah nak a chuak lai tiah democrats hruaitu pawl cu ralrinnak an pek hna. US state 50 i an khualipi cio ah meithal he lamzawhhnak a chuah khawh caah 25th Amendment hman lo dingah ralrinnak an pek hna.

President Donald Trump a dirkamhtu cheukhat nih meithlak he lamzawhnak tuah dingah timhlamnak an ngei men lai tiah an zumh. FBI nih an chimnak ah January 17 in January 20 kar ah hin US state 50 in President Trump a dirkamhtu hna cu meithal he Washington D.C an phan kho tiah an chim. President Trump cu democrats pawl nih an control mi hluttaw, House ah impeachment tuah ding in an chuahpi cang. House nih an pass lai i Senate ah an kuat lai. Senate ah senator minung 100 an um.

Republican le Democrats minung 50 veve an si. Senator Cheu thum, cheu hnih hnatlaknak lawng in President cu phuah khawh a si. Cucaah democrats nih Senate an phak pi zongah President Trump an phuah khawhnak ding lam a um lo. Senate meting cu January 19 lawng i thawk ding a si caah President a dinh caan le Joe Biden Inauguration a tuah ding ni cu 21 a si. Cucaah Senate zong nih impeachment tuah caan an ngei hlei ti lo. Cucaah democrat nih ram an dawt ahcun buai lo tein an kalpi a hau. President Trump zong nih dai tein ka chuak lai tiah a ti cangmi a si. Credit: Salai Lairamthang

Leave a Reply