President Trump A Lo Dengmang Cang Ko Ai Thinpang Dai Lo Bak Asi

President Trump nih Ukraine President he an chawnh lioah Farmer Vice President Joe Biden le a fapa nih Ukraine ram i an thil tuahmi kong thlathlainak a tuah dingin a fial\hneek chih tiah thawngpang a thang i kehdak cenghngia pawl uite ek chuah an lo. Impeachment kan tuah hirmhrim a herh an pi nu Nancy Pelosi um thiam loin an au hnawh.

President Trump nih ka fial chih lo tiah aih pheh tultal nan ai pheh thlu ti lo. Kan i chawnhnak vialte zapi sinah ka chuah/langhter dih lai. Kan biaruahmi hi hawikom chawnh te i kan i chawnhmi le chimhmi a si lo. Ka chimhmi pawl hi chim awk ai tlaakmi an si ko tiah tuchun ah a bia a merter tthan.

Tutan hi cu pu vom hi i chuahsual deuh dawh a lo. Ukraine President sin i a chimmi hi phunghram pi kalh le President nawlngaihnak a buarmi bia a si taktak ahcun kedak (Demctrats) cenghngia pawl nih a sualnak hi phung ning tein hlathlainak thaw colh an timh. Thaizing ah kehdak hotu nu pipi Nancy Pelosi nih thawngthanhnak a tuah cang lai.

Thil tha maw chuak deuh lai thil chia dek! Kehdan nih an seh khawh ahcun 2020 thimnak ah teitu an si te kho. An seh khawh ttung lo belte ahcun 2024 tiang Pu Trump kut tangah an bo peng rih hau te kho ve. Theih awk sawh: Impeachment hi thlakhat hnih ah tuah i dihter khawhmi asi lo. Kum 2, 3 pi tiang a zong a rau kho. Cucaah President a si chung ahcun Kehdak pawl nih hin cawl kho lo cun an seh kho lai lo dah ti ka zumh. A linsa pah te ko lai hih!

Thimnak lio ah thimnak ai cuhmi pakhat nih sualpimi nu a thli tein a phaisa pek hi US upadi he ai kalhmi asi. Trump nih a usalmpimi nu 2 phaisa peknak kong he pehtlaih in Trump nih zeihmanh ka theihmi a um lo tiah a chim. Asinain Phaisa petu sihni pa nih cun Trump nih a ka pektermi asi tiah a phuan piak diam caah rian phuah a rak tong deng mang.