President Trump a Ke an Khihpiak: President Trump nih amah nawl lawng in Iran ram a tuk/kah sual lai ti an phang i tuchun ah Senate nih a ke hrennak tung (resolution) an bunhpiak. A sullam cu President Trump nih Iran ram tuk a duh ahcun Congress sinah a chimh hmasa hna hau cang lai. Amah nawl in US ralkap pawl nawl/order a pe kho hna lai lo.

Senate ah hin Republicans ukmi a si ko nain Republican lei minung 9 zong nih Democrats lei hi an vote pi hna caah President Trump ke khat lei kap hi hri in an khihpiak nak cu si. President Trump hi ai thlak lo nak ding biaceih zung (court) biakhiahmi tehna tiang i thlak a hmang i Senate zong nih a nawl ngeihnak hi khampiak pah a herh ko cang an ti caah si ṭheu lai. Mei ci hi a kenkip ah a kau/duah ta lengmang i amah lila zong hi ai duahter/kanghter caan um te khomi si. Credit: The Chin Voice

Relchih. A voi 72nak Chin Miphun Ni Sawmnak: Indianapolis khuasa Chin miphun vialte hna, a ralaimi Zarhteni cu a voi sawmsarh le voihnihnak Chin Miphun Ni kan hmang hna lai. Rianṭuannak ram a si ruang ah a ni ah tuah kho hmanh hlah usih law kan miphun ni hi kan philh lo ti kan langhternak si. Kan fale he kan thuam tling tein chuah khawh zuam hna usih. Eiding zong an kan zuarpiak lai caah pawṭaam phan lo ding a si lai. Hi ni na rat tikah theihding tete

1. Mah le miphun thuam te ihruk cio hna usih. 2. Kan hmannak ding hi CEBC Khrihfabu nih pumhnak ah an hmanmi a si caah zukhmawm le rithaisi i ken lo ding si lai. Cu pawl ai kenmi kan si sual ahcun a herhning in humhaknak ṭuanvo a kan latu CYO Mino, ICC Mino, CEBC Security Team le Southport palik hna nih ṭuanvo a kan laak lai.

3. Hmanthlaak a duhmi vialte manlo in Vanmi Production lei nih ṭuanvo an kan laak lai. 4. A caan te ah chuah khawh izuam usih law a dihdongh tiang um izuam hna usih. A tanglei ah kan caanhmannak ding kong ka thil chih caah rak zohchung te uh. Dam tein itong te hna usih. Lunglawmhnak he, 2020 CND Committee. Chin Community of Indiana