Sunday ahkhan Iran nih US cungah an thinhun tuk ruangah 2015 Iran Nuclear Deal i an biakam vialte an let tthan dih ti an phuan. Nuclear Weapons ngeih hrimhrim dingin Uranium enrichmentt zong kaiter chin lengmang an i tim. Atu ah cun Iran nih hin Soleimani ruak an vui rih lo ruangah zeihmanh cawlcanghnak an ngei rih lo.

President Trump nih hin zeitluk khin dah Iran Nuclear hriamnak (Weapons) ngeih dingmi hi kham a timh lai ti cu a chim lo nain kham cu a tim hrimhrim. President Donald Trump nih a Twitter ca hmaiah cafang in bakin “IRAN WILL NEVER HAVE A NUCLEAR WEAPON!” Iran nih zeitik hmanh Nuclear Hliamhrei an ngei lo tiah a ttial.

JCPOA’s European Singatories Germany France le UK hna nih Iran cu JCPOA phung zulh hramram dingin an nawl ve hna. Moscow signatories dang pawl nih cun Iran nih a biakamnak(commitments roll back) let an timhmi cu thlauh an tim hna lo. Russian Foreign Ministry nih cun Iran nih Nuclear Weapons an ser hlei lai lo tiah a chim ve.