President Putin Nih Ukraine Ramchung Um Cheukhat Caah Russian Passport Siampiak An Si Lai Tiin Thanhnak A Tuah, Buainak A Chuak Kho

World News

President Putin Nih Ukraine Ramchung Um Cheukhat Caah Russian Passport Siampiak An Si Lai Tiin Thanhnak A Tuah, Buainak A Chuak Kho

Image may contain: 6 people, people smiling, suit

Cawn niruk ni ah khan Russian President Vladimir Putin nih Beijing, China i “Road and Belt Initiative” meeting ngaih lio ah Russia nih thlathum chungah Ukraine le Russia ramri, Eastern Ukraine ramchung um Donetsk le Luhansk region i a um mi Russian hna cu “Russian Passport siampiak an si lai” tiah thanhnak a tuah. Hi bantukin President Vladimir Putin hruaimi cozah nih an kalpi taktak ko ahcun buainak thar a chuak lai i, raldohnak hmanh a chuak tthan kho mi a si,”tiah zumh a si.

Ukraine le Russia buainak ruangah kum 2014 thawk in minung 13,000 deng nunnak a liam cang. Ukraine President Volodomyr Zelensky nih President Putin biachim mi cu lehnak tuah colh in “Russia zalonnak a duh mi paoh cu Ukraine Passport kan siampiak hna lai. Ukraine ram cu zalonnak ram a si ruangah lungtlin lonak a um hmanh ah duh paoh in duh lonak langhter khawh peng a si,”tiah Putin biachim cu a leh ve.

Image may contain: 6 people, people sitting and outdoor

President Putin nih hi bantukin bia a chim ahcun thil harsa a si lo, Ukraine le Russia cu i lawhnak tampi an ngei” tiin, kum 2017 lio ah Ukraine Passport an chuh mi Georgian President tthing Mikhail Saakashvil cu a Passport pek tthan dingin a chim fawn.

Mikhail Saakashvile hi Kiev khuapi ah Ukraine President simi Petro Poroshenko cozah duh lonak langhter dingin “protest rally” cu Kieve khuapi ah Freedom Square kongah a rak cawlcang i, Ukraine Security Service hna tlaih in hi bantuk hi a hramhram in thil tuah mi a si tiah sual phawt in an ram chungin Dec 5/ 2017 ah khan an rak chuah.

Leave a Reply