President Donald Zong A Him Ti Lo Coronavirus A Ngeih Le Ngeih Lo Check Ahau Tiah An Ti Ve Cang
Coronavirus zawtnak ṭih a nung chin lengmang cang. Vawleipi huap in Coronavirus zawtnak a ngeimi hi 114,430 an tling cang i a thimi hi 4,027 an tling cang. Zawtnak hrik a ngei nain a dammi tiah an timi hna hi minung 64,099 an um cang ti a si. America US rampi zongah Coronavirus zawtnak a ngeimi hi minung 650 nak tam an um cang i minung 26 nunnak an liam cang.
March 6-2020 ah U.S centers for Disease Control and Prevention (CDC) kong Georgia khuapi ah caihhmaiṭnak an ngei hna. Cu ka tonnak an ngeihnak ah cun U.S President Donald Trump nih a chimmi cu “Zarhkhat chung ka hmai ka tawng ti lo” tiah mipi ralrinnak pek pah in a chim.
Republican Congressmen ah bochan taktakmi pahnih Collins le Matt Gaet cu Covid-19 (Coronavirus) an ngei tiah an ti hna ruangah kharkhumh an si. Collins le Matt Gaet hna cu Coronavirus an ngei tiah an ti hna ruangah adang tein zohkhenh an si i an dam ṭhat cang ruangah President Donald Trump he an i tong kuttlaihnak hna an ngeih ruangah le Trump he caan an hman ṭi hna ruangah Trump zong a him ti lo checknak tuah ahau tiah News Straits Time Via AFP nih a tar.