President Donald Trump Thawngin Iraq Khrihfa Nih Lawmhnak Mitthli He Bawipa An Thangtthat Cang Lai

Donald Trump nih US President rian a van tlaih hnu in zeitluk in dah vawlei cungah namneh bimi khrihfa mi hna a dirkamh mi hna hi an tlawm ti lo. Amah thawngin ttih le phang ngaiin ni caan a hmang mi khrih ah pumkhat kan unau hna nih lunglawm le hnangam tein Pathian a thangtthat mi an tam cang.

Tutan zongah US President Donald Trump cozah nih Iraq ramah nemneh le sarsetnak a tuahmi Khrihfa mi hna le Yazidis hna cu ISIS kut tuar in caan saupi lung rethei le vansang in an um hnu ah atu ahcun nunthar he an caan an hmang tthan cang tiin religious minority aiawh hruaitu nih thanhnak a tuah cang! Religious minority representative nih cun mah bia hi Donald Trump a rianttuannak lampi, the second Ministerial to Advance Religious Freedom ah an phuan.

ISIS kuttuar bikmi hna hi Iraq/Middle East i khrihfa mi hna Trump nih President hlan khan a rak dirkamh cang mi hna an si. Vawlei cung ram hruaitu hna nih ngaihsak lo ngaiin an um lio caan zongah Trump nih cun khrihfa mi hna an rem hna lo caah an ci hmih dih an timh hna tiah fak piin a rak doh cang. President a si le cang ka in a hruaimi cozah nih ISIS hna nih khrihfa mi hna cung an thiltuah mi cu fak chinchin in a doh i, khrihfa mi hna cungah GENOCIDE- timi zong Official bakin thanhnak a tuah colh. TRUMP cozah nih hin khrihfa mi hna le Yazidis (Minority) hna an dir tthan khawhnak dingah a si khawhcungin rianttuan hram a thawk colh.

Iraq i khrihfabu pakhat, Chaldean Catholic Father ISIS hna nih a fak bikmi hremnak an rak pek, sinain atu cun ruahchannak nganpi he hnangamnak an hmuh cang tiin, a chim. Atu ahcun an dirhmunnak ding zong biatak tein siamremh an si lai cang, hi vialte hi President Donald Trump cozah rianttuannak theitlai a si. Donald Trump hruaimi cozah nih iithum chung Ministerial Summit timhtuahnak a ngei i, mah ahcun atu bantukin a chim.

Iraq ram khrihfabu Father Thabet nih biachimnak a ngaih lio zongah a hleiin a chim khun mi cu lawmhnak a chim i, Trumh cozah cungah hrim ah lawmhnak bia ka chim tiah a chim. United States hi bantuk Conference lian le a herh tukmi hna hi kanmah hna an kan sawmmi in an kan telh duh mi hrim ka hmuh tikah a hlei khun in President Donald Trump a cozah nih Iraq chung i Minority nemnehnak le hremnak hmu in kan zawn an kan ruah tikah kan i lawmtuk hringhran.”tiah a chim.

Mah Conference nih hin ruahchannak ngan a ka pek timi fiang tein ka chim khawh. Mah hlan i kan rak ttih bikmi cu vawlei cung ramdang vialte hna nih an kan philh sual lai timi hi a si, sinain mah Conference ahhin philh kan rak si lo timi kan theih, thah le nemneh ruangah Khrihfa chungkhar Iraq in a zammi hna zong atu ahcun an rak kir cang hna, hi hnu zongah an rak kir rih lai timi zumhnak le ruahchannak kan ngei,”tiah a chim. A sunglawi tuk hringhran. Bawipa nih sunparnak co ko seh. Amen