President Donald Trump Hi Sual Kan Phawt Lo Ahcun Kum 2020 Zongah A Tling Tthan Lai- Democrat Rep. Al Green of Texas

World News

President Donald Trump Hi Sual Kan Phawt Lo Ahcun Kum 2020 Zongah A Tling Tthan Lai- Democrat Rep. Al Green of Texas

Image result for Democrat Rep. Al Green of Texas

Texas State in House of Representative Democrat Al Green nih cun MSNBC-an komhnak ah, “Donald Trump hi sual puh, thangchiatnak (impeach) kan tuah lo ahcun kum 2020 election zong ah a tling tthan hrim lai. Hi kong hi biatak tein ka ruat taktak. Mah pa hi sual puh, thangchiatnak (impeach) lo ahcun kan miphun thlarau a thah dih hna lai tiin ka hmuh cang. Congress nih nawlngaihnak a ngaih bantukin a cungah sualpuh thangchiatnak kan tuah hrimhrim ding a si,”tiah a chim.

Cu lawng si loin Speaker Nancy Pelosi zong nih President Donald Trump hi kum 2020-ah amah thlaknak ding vote kan hmuh mi a tlawm ahcun nawlngaihnak hi midang kut ah pek a tim lo,”tiin a chim ve. Hi kong he pehtlaiin atu lio hi US Economy zong tthat lei a panh chin lengmang tikah President Donald Trump min tthatnak (rating) zong 43% in 49% ah a kai fawn caah Kum 2020 Election zoh tikah a dang thlihran hna a um hraw lo ahcun Trump hi a si rih ko lai timi a lang ngaingai.

Image result for trump

House Judiciary Comtt hlan i White House Counsel a rak ttuan balmi McGahn cu biahalnak (testify) dingin auh an timhnak le Special Counsel Robert Mueller Jr., auh an timhmi cu President Trump nih Attorney General William P. Barr- nawl a si, McGanh hi House Judiciary Comtt hmaiah testify dingah a kal herh lo, a ti ve. McGanh hi White House Aide a si lio ah President Trump nih phone in a chonh i Russiagate hlathlaitu Robert Mueller thil hlathlai mi ngolter dingin McGanh cu voihnih a chim tiin puh a si i, Mueller investigation report zongah a min hi voi 100 leng chim a si.

House Oversight & Budget Control Comtt zong nih Donald Trump nih Trump Organization hmannak le cozah sinah tax an pekmi langhter dingin an ti ve. Hi kongah Trump Family nih hin Banks an hman tawnnak i phaisa an neihzat le taxes pekmi cu langhter lo dingin Lawyers hmangin an chim ve.

Hi kong he pehtlaiin US Treasury Secy Steve Mnuchin nih cun President Donald Trump-nih hin US Congress theih dingin a phaisa ngaihmi vialte theihternak tuah a herh lo, tiah a chim ve. Mah kongah President Donald Trump dirpi tu an um kho cio hna lo, Trump an dirkamh cio ve hna.

Leave a Reply