President Donald Trump Defense Team Nih Cathanh Chuah In Senate Sinah An Pek Cang. Nizan ah President Donald John Trump Defense-Legal Team hna nih House Democrat lei House Managers 7 hna nih Senate-ah Donald John Trump impeachment dingin sual an phawtmi cu lehrulnak an tuah cang hna. Mah “Trial Memo” hi phek 110 tluk a chahmi asi.

Trump Defense Team hna nih an chim mi cu hi bantuk hi Constitution dohnak “an affront to the Constitution” asi ruangah Senate ah donghter colh “quick acquittal” ding asi. President nih hin a dik lo ning in pakhat hmanh thil a tuah “absolutely nothing wrong” mi a um lo. Hi bantuk dohnak hi party thluak “partisan” tukmi phiarrawinak thil le i thlak timhnak asi. Cu caahSenate Trial lei nih hi bantuk thil hi an dih ter colh a hau,”tiah an chim.

Cu lawng si loin House Democrat phu hna nih kum 2016 election result cu political hmanrua ah hmangin kum 2020 election tiang i tel “interfere” ter timhnak aso. Cu ruangah GOP controlled Senate-nih “impeachment charge” hi a donghter ding asi. House Democrats thiltuah mi hi hnawl “reject” piak ding asi. Hi bantuk thil ruahmannak ngeitu “Framers” hna nih cun cozah phunglam in nawlbuarnak a um in an chim i, House Democrat hna nih “Impeachment Articles” an chim mi ahcun zeibantuk zawn dah a buarmi taktak si timi an chim lo,”tiah an chim.

Hi kongah phunglam theimi “Legal scholar” tampi nih cun President Trump hi Impeachment ding tiangin phungbuarnak a ngei lo, tiah an chim ve. House Democrat pawl tu nih Ukrainegate ah President Trump nih Congress nih hnatlaknak a ngaih cang mi Ukraine military bawmh dingmi US$ 400million cu Trump nawlpek mi ruangah hren si i, mah hi a nawlngaihnak ning cang lotuk hman “abuse of power” asi. Hi konglam hlathlai timhnak Congressional thiltuah mi zong a rak kham i, hi nih hin Congress thil um tu ning hlathlainak dohdal “obstruction of Congress” a ngaihnak a langhter,”tiah an chim ve.

Sen. Mitch McConnell, Senate Majority leader nih Trump- impeach nak ding kongah House Democrats le White House hna cu palhnak an ngaihlonak le chimfiannak ngaih dingin suimilam 24 chung caan pek an si lai tiin thanhnak a tuah i, ni 2 chung Senator Jurors hna hmai ah tazacuainak an ngei lai. Opening statement hi American mi hna nih ngaih van bikmi asi.

Mitch McConnell zong nih Organizing resolution tuah in, phek 4 asi i, mah chungah Trump impeach konglam ruahnak kong cu aa tel. Hi kongah Dems pawl nih McConnell thiltuah cu soisel in, Trump sualnak a ngaihmi chim dingin biathli a theimi auh in biahal ding konglam a tello tiin an soisel ve.Senate-ah Dems hna nih thil sining a theih tiah zumh mi John Bolton, National Security Adviser tting le atu White House Chief of Staff Mick Mulvanney hna cu biahalnak “testify” ngaih dingin an phut i, Republican lei zong nih Joe Biden a fapa Hunter Biden cu biahalnak tuah ve dingin an phut ve.

Republican Senator pahnih Lisa Murkowski le Susan Collins hna nih atu hrawng Rudy Guilliani dohdal tu Lev Parnez nih thawngthar a chim ruangah testify dingah midang uah hi a ttha deuh lai ti tiah an chim. Senate Trial chungah biathli theihtu “witnesses” auh khawhnak dingah simple majority 51-100 a herh i, atu dirhmun ahcun Republican 53- Democrats 47 an si caah Dems hna thil phutmi a hlawhtlin khawhnak dingah cun Republican votes 4 an herh.

A cunglei kong he pehtlaiin Presdent Trump nih Twitter ah, “Democrats hna nih John Bolton le midang hi House ah an herh ko i, hnawhsarut in khuakhan-lairelnak an tuah i bia an chah. Atu ah Senate ah a herh an ti tthan dih i, lamdang a um lo! “Cryin Chuck Schumer nih cun atu ah a dihmi khuakhan-lairel a duh, Democrat nawlngaihnak House ahcun ZERO fairness lawng si. Zeithil dah si,”tiah a ttial.