PM Benjamin Netanyahu Nih Thanhnak A Tuah Cang, Tlangbawi Hna Bia A Tling Chin Lengmang

Israel incumbent PM Benjamin Netanyahu cu President Reuvin Rivlin-nih 28 chungah cozah ser (form) ding ti a si nain, cozah thar a ser khawh lonak kong cu a phuan cang. Blue & White party hruaitu Gen. Benny Gantz cu President-nih ni 28 chungah cozah ser dingin ti a si ve lai, Benny Gantz-lei nih cozah an ser khawh ve hleilo ahcun kumkhat chungah Israel ram nih Parliament (Knesset) election voithum an tuah hau lai tinak a si.

Benjamin Netanyahu dirhmun hi a fiang kho ti lo i, cozah a ser (coalition form) ser khawhnak dingah 120/61 a herh, sinain seat 55 pin a hmu kho ti lo. Khat leiin Benny Gantz zong nih eihmuarnak kongah case a ngeimi he hmunkhat ah cozah i hrawm (Unit gov’t) ser ding ka duh lo tiah a rak chim fawn cang. Netanyahu nih hin Unity Gov’t ser dingin Benny Gantz hi a sawm peng nain cu a sawmnak cu Benny Gantz nih a cohlanpiak duh ve lo.

Benjamin Netanyahu nih cun Twitter ah cozah thar ka dirh kho ti lo. Cu ruangah kei cu Cabinet meeting-ah ka hngat cang” tiin, Unity Gov’t a ser khawh lonak cu Benny Gantz ruangah a si tiin, “cucaah Israel mipi hna nih a voithumnak thimnak tuah tthan ding an duh lo zongah kan tuah tthan khawh tiin, Blue and White hruaitu Benny Gantz cu sual a phawt ve.

A cunglei kong he pehtlaiin Judah tlangbawi tthenkhat hna nih a luancia caan zeimawzat chung khan tukum Israel ram nih harsatnak le cozar reprai an ser khawh lo ding mi le, ram le miphun hna nih harsatnak an tuar ding mi hi an rak chim chung cang mi a si.